Թուրք գրող Էլիֆ Շաֆաքի՝ խաղաղության կոչից հետո Ադրբեջանում դադարել են վաճառել նրա գրքերը

Էլիֆ Շաֆաքի՝ Թվիթերում խաղաղության մասին կոչով գրառումը բացասական արձագանք է գտել թուրք և ադրբեջանցի օգտատերերի շրջանում։ Նրանք Շաֆաքի հասցեին անպարկեշտ և սպառնալից գրառումներ են արել։ Ոմանք անգամ պահանջել են, որ Արդբեջանում դադարեցվի նրա գրքերի վաճառքը, գրում է Ermenihaber֊ը։ Թուրքական լրատվամիջոցների հաղորդմամբ՝ այդ բոյկոտից անմիջապես հետո Ադրբեջանի բազմաթիվ գրախանութներում դադարեցվել են Շաֆաքի գրքերի վաճառքը։ Հատկանշական է, որ ով կողմ է արտահայտվում խաղաղությանը, թուրք-ադրբեջանական հասարակությունում միանգամից ընկալվում է իբրև հայերի կողմնակից և ազգի դավաճան։ Էլիֆ Շաֆաքի՝ խաղաղությանը միտված չեզոք գրառումը թուրքական լրատվամիջոցները մեկնաբանել են որպես աջակցություն Հայաստանին՝ ընդդեմ Ադրբեջանի։ 

Հիշեցնենք, որ ավելի վաղ թուրք հայտնի գրող Էլիֆ Շաֆաքը, անդրադառնալով Արցախի դեմ Ադրբեջանի սանձազերծած պատերազմին, Թվիթերի իր էջում խաղաղության կոչով գրառում էր արել։ Նա իր էջում տեղադրել էր բելգիահայ թավջութակահար Սևակ Ավանեսյանի՝ Ադրբեջանի կողմից հրթիռակոծված Շուշիի Սուրբ Ամենափրկիչ Ղազանչեցոց եկեղեցում հնչեցրած Կոմիտասի «Կռունկ» ստեղծագործությունը, որի տեսանյութը լայնորեն տարածվել էր համացանցում։ Շաֆաքը տեսանյութին կից գրել էր․ «Այս գրառումը բոլոր նրանց համար է, ովքեր հավատում են խաղաղությանը և չեն հրաժարվում խաղաղությունը պաշտպանելուց։ Արվեստ ավերակների մեջ․․․ Շնորհակալություն Կարո Փայլան, որ կիսվել եք»։

Այս թեմայով Ադրբեջանի և Իրանի ԱԳ նախարարները քննարկել են հայ-ադրբեջանական կարգավորումը Մհեր Գրիգորյանն ու Կոնրադ Արց ֆոն Շտրաուսենբուրգն անդրադարձել են ՀՀ-ԵՄ հարաբերությունների զարգացմանը Խաղաղության պայմանագրում կա համաձայնեցված դրույթ դիվանագիտական հարաբերություններ հաստատելու մասին. Փաշինյան (տեսանյութ) Թրամփը հաղթելու դեպքում մտադիր է բարեկամական հարաբերություններ հաստատել Իրանի հետ ՀԱՊԿ գլխավոր քարտուղարի հետ հիանալի անձնական հարաբերություններ ունենք. Արարատ Միրզոյան