Հակառակորդի ռմբակոծության հետևանքով վնասվել կամ ոչնչացվել են բազմաթիվ տներ, խանութներ, մեքենաներ
Արցախ
Նախնական վերլուծությամբ վնասվել կամ ամբողջությամբ ոչնչացվել են 10.500-ին մոտ մասնավոր սեփականություն՝ բնակարան, տուն, խանութ, 1500-ից ավելի ենթակառուցվածքային միավոր, նաև հանրային և արտադրական օբյեկտներ և 1100-ից ավելի շարժական գույք՝ մեքենա է վնասվել: Այս մասին այսօր տեղի ունեցած ասուլիսին հայտարարեց Արցախի մարդու իրավունքների պաշտպան Արտակ Բեգլարյանը՝ անդրադառնալով ենթակառուցվածքային և նյութական վնասներին:
Նա ընդգծեց, որ այս վիճակագրությունը մոտավոր է և ճշգրտման կարիք ունի:
ՄԻՊ-ը նշեց՝ վերջին օրերին էլ ադրբեջանական զինված ուժերն ակնհայտորեն շարունակում է թիրախավորել բացառապես քաղաքացիական օբյեկտներ, ներառյալ բնակելի հատվածներ, ենթակառուցվածքային միավորներ և արտադրական նշանակության օբյեկտներ. «Երեկվա դեպքից ևս ակնհայտ է, որ այդ հարձակումը դիտավորյալ էր, թիրախային և ամբողջությամբ որակվում է որպես պատերազմական հանցագործություն՝ Ժնևյան կոնվենցիաներով»,- ասաց նա՝ նշելով, որ բավականին մեծ նյութական վնասներ են արձանագրվել:
ՈՒՂԻՂ ԵԹԵՐ
Ամենադիտված 
Ջուր հավաքեք. բազմաթիվ հասցեներում երկար ժամանակ ջուր չի լինելու
