Ֆրանսիայում Նիցցայի հարձակման մեջ մասնակցություն ունեցող ևս մեկ կասկածյալ է ձերբակալվել․ BFMTV

Ֆրանսիայում ձերբակալվել է 47-ամյա մի տղամարդ, որը, հնարավոր է, կապի մեջ է եղել Նիցցայում հանցագործի հետ, հաղորդում է BFMTV-ն:
Նախորդ օրը անհայտ անձը դանակով հարձակվել էր Նոտր Դամ եկեղեցում գտնվող մարդկանց վրա: Երեք մարդ զոհվել է, ևս մի քանիսը՝ վիրավորվել: Լրատվամիջոցների հաղորդմամբ՝ հարձակվողը գլխատել է երկու զոհի՝ «Ալլահ Աքբար» վանկարկելով: Նիցցայի քաղաքապետ Քրիստիան Էստրոզին և Ֆրանսիայի նախագահ Էմանուել Մակրոնը կատարվածը որակել են որպես ահաբեկչություն: Ինչպես հայտնի է, հինգշաբթի օրը, երբ մահմեդականները նշում էին Մուհամեդ մարգարեի ծննդյան օրը, ֆրանսիացիների դեմ ուղղված այլ միջադեպեր էլ եղան: Ավինյոնում «Ալլահ աքբար» գոռացող իսլամիստը փորձեց դանակահարել ոստիկանին։ Նա գնդակահարվեց: Ժիդդայում ձերբակալվեց Սաուդյան Արաբիայի քաղաքացի, որը հարձակվել էր Ֆրանսիայի հյուպատոսության պահակախմբի վրա: Բացի այդ, մահմեդականները Նիկոսիայի դեսպանատանը պատռեցին Ֆրանսիայի դրոշը: Ֆրանսիայի կառավարությունը ահաբեկչության դեմ պայքարի ծրագիր է ներկայացրել: