Նորվեգիան ԼՂ հակամարտության հետևանքով տուժած քաղաքացիներին 1,5 մլն եվրո աջակցություն կտրամադրի
Արցախ
Նորվեգիայի իշխանությունները որոշում են ընդունել 17 մլն նորվեգական կրոն (1,5 մլն եվրո) հումանիտար աջակցություն ուղարկել՝ ԼՂ հակամարտության հետևանքով տուժած քաղաքացիական բնակչությանն օգնելու համար: Ինչպես հայտնում է ՏԱՍՍ-ը, այս մասին հաղորդել է Նորվեգիայի ԱԳՆ-ն:
Լեռնային Ղարաբաղում ռազմական գործողությունները բազմաթիվ կյանքեր են խլել, շատերին ստիպել են լքել իրենց տները և մեծ տառապանք են բերել քաղաքացիական բնակչությանը: Նորվեգիան 17 մլն կրոն կուղարկի հումանիտար կազմակերպություններին, որոնք պաշտպանում և օգնում են նրանց, որ ամենից շատ են տուժել այս հակամարտությունից»,- հայտնել են ԱԳՆ-ից:
Նորվեգիան ակնկալում է, որ հակամարտության մասնակիցները կապահովեն հումանիտար կազմակերպությունների անխոչընդոտ հասանելիությունը նրանց, ովքեր օգնության կարիք ունեն:
ՈՒՂԻՂ ԵԹԵՐ
Ամենադիտված 
«Շանգրիլայի» լիցենզիան կչեղարկվի. Գագիկ Ծառուկյանին ունեզրկման գործընթաց է սկսել
