Վիեննայում տեղի ունեցած ահաբեկչության արդյունքում զոհերի թիվը հասել է երեքի․ Kurier

Ավստրիայի մայրաքաղաք Վիեննայում ահաբեկչական հարձակման արդյունքում  երեք մարդ է զոհվել, այսօր հայտնել է Վիեննայի նահանգային ոստիկանության նախագահ Գերհարդ Պյուրստլը:
«Երեք քաղաքացիական զոհ կա, չորրորդ սպանվածը ինքը՝ հանցագործն է», - ասել է Պյուրստլը՝ հավելելով, որ զոհվածներից երկուսը տղամարդ է, մեկը՝ կին:

Ինչպես հայտնել ենք, Ավստրիայի մայրաքաղաք Վիեննայի կենտրոնում հանցագործը հարձակվել է սինագոգի վրա: Աղբյուրը, նախնական վարկածով, հայտնում էր հանցագործի ձերբակալության մասին։ Ավելի ուշ պարզ դարձավ, որ վերջինս պայթեցրել է իրեն։

Կատարվածը որակվել է որպես ահաբեկչություն։