«Հրապարակ». Ստեփանակերտի 40%-ն ավերվել է, բայց մարդիկ չեն լքում այն
Հայկական Մամուլ
«Հրապարակ» թերթը գրում է. «Ստեփանակերտի 40 տոկոսն ավերվել է, բայց բնակչության զգալի մասը չի լքում հայրենի քաղաքը: Երեկ այս մասին մեր լրագրողին փոխանցել է Ստեփանակերտի քաղաքապետ Դավիթ Սարգսյանը. «Տարբեր շերտ մարդիկ են, ովքեր չեն ուզում թողնել իրենց հողն ու ջուրն անգամ այս պայմաններում: Մեր հաշվարկով, մոտ 30 տոկոսը քաղաքում է»։
Քաղաքապետը հայտնել է, որ երկու օր է՝ քաղաքում հարաբերական անդորր է, Ստեփանակերտի երկնքում ԱԹՍ-ներ գրեթե չեն հայտնվում․ «Պատերազմը շարունակվում է, բայց որ ասեմ՝ քաղաքի վրա խփում են՝ չէ»։
Քաղաքապետի խոսքով, հակառակորդի կողմից վնասված ենթակառուցվածքներն արդեն վերականգնվել են։ «Գազ, ջուր, հոսանք, ամեն ինչ էլ կա։ Մարդկանց մեծ մասն ապաստարաններում է, եւ նրանց սննդի հարցն էլ մենք՝ կառավարությունն է հոգում»,- ասել է նա»:
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
