Գիտնականները նախազգուշացրել են նոր՝ Nipah համաճարակի վտանգի մասին․ Express

Գիտնականները նախազգուշացրել են Nipah նոր վիրուսի վտանգների մասին, որը չղջիկներից փոխանցվում  է մարդկանց, հայտնում է Express- ը՝ վկայակոչելով ամերիկացի գիտնականների ուսումնասիրությունը:
Նշվում է, որ Nipah-ը զարգացող հիվանդություն է, որն ամեն տարի բռնկվում է Բանգլադեշի և Հնդկաստանի խիտ բնակեցված տարածքներում և հանգեցնում է մահացու հիվանդության: Վիրուսը սովորաբար փոխանցվում է այն մարդկանց, ովքեր ուտում են վարակված կենդանու թուքով աղտոտված սնունդ: Միևնույն ժամանակ, այժմ վիրուսի դեմ բուժում կամ պատվաստանյութ չկա, և մահացությունը հասնում է 90 %-ի:
Մասնագետները ուշադրություն են հրավիրել այն փաստի վրա, որ վիրուսը ավելի տարածված է, քան նախկինում կարծում էին, և նրա բռնկումներն ավելի հաճախակի են դարձել: Հետազոտողները նշում են, որ, ի տարբերություն կորոնավիրուսի՝ Nipah-ը հեշտությամբ չի փոխանցվում մարդուց մարդուն, բայց չղջիկներն արդեն կարող են ունենալ վիրուսի շտամ՝ փոփոխված հատկություններով: