Լեռնային Ղարաբաղում ամերիկյան հետախուզության երեք խոշոր ձախողումները․ National Interest
Համաշխարհային ՄամուլAmerican National Interest ամսագիրը նշել է ամերիկյան հետախուզության երեք ձախողումները Լեռնային Ղարաբաղում զինված հակամարտության ընթացքում: Հրապարակման համաձայն՝ առաջին սխալը ԱՄՆ-ի ակնհայտ անգիտությունն էր տարածաշրջանում սպասվող պատերազմի վերաբերյալ: Նյութում ասվում է, որ մարտին պետքարտուղարի տեղակալ Սթիվեն Բիգանը թույլ տվեց շարունակել Ադրբեջանին ԱՄՆ ռազմական օգնությունը, քանի որ Բաքուն պարտավորվել է լուծել տարածքային վեճերը դիվանագիտական միջոցներով: «Բիգանը և Պետդեպարտամենտը ստե՞լ են»,- հարցնում է նյութի հեղինակը: Հոդվածում արտահայտվում է նաև այն կարծիքը, որ Բաքուն համաձայնեցրել է ռազմական ծրագրերը Թուրքիայի հետ:
Ամերիկյան հատուկ ծառայությունների երկրորդ սխալը տարածաշրջանում Ռուսաստանի գործողությունների վերաբերյալ նրանց «կարճատեսությունն» է: Մասնավորապես, ամերիկյան հետախուզությունը ի վիճակի չէր կանխատեսել ռուս խաղաղապահների տեղակայումը Լեռնային Ղարաբաղում, ինչը տեղի է ունեցել Մոսկվայի, Երևանի և Բաքվի միջև ուղղակի բանակցությունների արդյունքում, այլ ոչ թե ԵԱՀԿ Մինսկի խմբի մեխանիզմների միջոցով, որի համանախագահներից է ԱՄՆ-ը Ռուսաստանի և Ֆրանսիայի հետ միասին:
Ամերիկյան հետախուզության երրորդ ձախողումը կապված է ԱՄՆ նախագահի՝ Ռուսաստանի նախագահ Վլադիմիր Պուտինի և նրա թուրք գործընկեր Ռեջեփ Էրդողանի միջև Լեռնային Ղարաբաղի շուրջ բանակցությունների մանրամասների մասին ինֆորմացիայի պակասն է, հավելում է թերթը։