ԱՄՆ֊ում Կապիտոլիումի գրոհից հետո երկու ամերիկացի ոստիկաններ ինքնասպան են եղել. Washington Post

Կապիտոլիումի տարածքում տեղի ունեցած անկարգություններից հետո երկու ոստիկաններ ինքնասպան են եղել, հայտնում է Washington Post-ը:
Ավելի վաղ ոստիկանության պաշտոնյաները Washington Post-ին հայտնել էին, որ 51-ամյա ամերիկացի ոստիկան Հովարդ Լիբենգուդը, ով ականատես է եղել Կապիտոլիումի անկարգություններին, հունվարի 9-ին ինքնասպան է եղել:  Ոստիկանապետի խոսքով՝ Ջեֆրի Սմիթը երկրորդ ոստիկանն էր, ով նույնպես ինքնասպան է եղել հունվարի 15-ին: Հրապարակման համաձայն՝ հունվարի 6-ին Վաշինգտոնի ոստիկանությունը ուղարկել է 850 ոստիկանի՝ իրենց ուժերի գրեթե մեկ քառորդը, որպեսզի փրկեն Կապիտոլիումը ներխուժած ամբոխից, ևս 250-ը վերահսկել են իրավիճակը հարակից տարածքում: 
«Կապիտոլիումի դեմ այս հարձակումը բացահայտեց երկրի ամենաապահով քաղաքի անվտանգության համակարգի թույլ կողմերը», - ասել է Քոնտին իր ելույթի ժամանակ: Նա ավելացրել է, որ շատ ասպեկտներ պետք է վերանայվեն՝ ներքին ահաբեկչության նոր սպառնալիքներին դիմակայելու համար։ Նա նաև ներողություն է խնդրել օրենսդիրներից «սխալների» համար, որոնք թույլ են տվել ամբոխին մուտք գործել Կոնգրեսի շենք՝ նշելով, որ ոստիկանության վարչությունը պետք է ավելի լավ պատրաստված լիներ հարձակմանը: