ԱՄՆ-ն կշարունակի ուսումնասիրել Ադրբեջանին օգնության հնարավոր դադարեցումը․ Բլինքեն
ԱդրբեջանԱՄՆ-ն կշարունակի դիտարկել Լեռնային Ղարաբաղի շուրջ հակամարտության գոտում շարունակվող լարվածության ֆոնին Ադրբեջանին տարբեր տեսակի, այդ թվում՝ ռազմական օգնության հետագա տրամադրման իրագործելիությունը: Այս մասին երեքշաբթի օրը հայտարարել է ԱՄՆ պետքարտուղար Էնթոնի Բլինքենը:
Ամերիկյան արտաքին գործերի նախարարության ղեկավարի մասնակցությամբ լսումների ժամանակ բարձրացվել է Բաքվին Վաշինգտոնի օգնության հարցը: Դրանք անցկացվել են ԱՄՆ Սենատի արտաքին հարաբերությունների հանձնաժողովում: Կոմիտեի նախագահ Ռոբերտ Մենենդեսը հայտարարել է, որ ինքը հիասթափված է ԱՄՆ վարչակազմի որոշումից, որը բացառիկ հիմունքներով՝ շարունակում է օժանդակություն տրամադրել Ադրբեջանի կառավարությանը՝ ներառյալ ռազմական օգնություն: ԱՄՆ կառավարության գործադիր իշխանությունը հրապարակավ հայտարարել է այս որոշման մշակման մասին դեռևս մայիսին: «Մենք ստիպված կլինենք շարունակել դիտարկել այս հարցը», - ասել է Բլինքենը: «Ես ակտիվորեն աշխատել եմ սրա վրա՝ հատկապես ռազմագերիների վերադարձի, բանակցությունների և փոխգործակցության իսկական կարգավորման նպատակով», - ավելացրել է ամերիկյան դիվանագիտության ղեկավարը: