Բարձրաստիճան պաշտոնյաները, քաղաքական գործիչներն այցելում են «Եռաբլուր» զինվորական պանթեոն
ՔաղաքականՀայաստանի պետական պաշտոնյաները, քաղաքական գործիչները Ադրբեջանի կողմից Արցախի դեմ սանձազերծված պատերազմի տարելիցի առիթով այցելում են «Եռաբլուր» զինվորական պանթեոն:
44-օրյա պատերազմի զոհված հերոսների հիշատակին հարգանքի տուրք են մատուցել, ծաղիկներ խոնարհել ՀՀ վարչապետ Նիկոլ Փաշինյանը, Անվտանգության խորհրդի քարտուղար Արմեն Գրիգորյանը, փոխվարչապետ Սուրեն Պապիկյանը, Տարածքային կառավարման և ենթակառուցվածքների նախարար Գնել Սանոսյանը և այլ պաշտոնատար անձինք:
Զինվորական պանթեոն է այցելել նաև «Լուսավոր Հայաստան» կուսակցության նախագահ Էդմոն Մարուքյանը, կուսակցության այլ ներկայացուցիչներ, տարբեր քաղաքական գործիչներ:
Սեպտեմբերի 27-ին լրանում է Ադրբեջանի կողմից Արցախի դեմ սանձազերծված 44-օրյա պատերազմի տարելիցը: Չնայած նոյեմբերի 9-ի եռակողմ հայտարարությանը՝ Ադրբեջանը մինչև օրս հրաժարվում է ամբողջությամբ վերադարձել հայ գերիներին:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
