Երևանում 55-ամյա տղամարդը խոհանոցային դանակով սպանել է հարևանին (տեսանյութ)
ՏեսանյութերՍեպտեմբերի 26-ին, կեսգիշերն անց, Սիսակյան փողոցի բնակչուհիներից մեկը 1-02 էր զանգել ու հայտնել, որ ամուսինն առավոտյան հարբած վիճել էր հարևանի հետ, տնից դուրս եկել և չէր վերադարձել:
Ահազանգը ստանալուց րոպեներ անց օպերատիվ խումբը նշված հասցեում էր: Քրեական հետախույզներն արագ պարզեցին` վեճը երբ և ում հետ էր եղել: Կատարվածի մասին ավելի մանրամասն փորձեցին ճշտել հարևանից, բայց նրա բնակարանի դուռը փակ էր:
Ներսից ձայն լսելով` ոստիկանները զանգեցին անհետացած տղամարդու բջջային հեռախոսին: Բնակարանից լսվեց զանգի ձայնը: Ավելի ուշ արտակարգ իրավիճակների նախարարության աշխատակիցների հետ դուռը բացելով` իրավապահները բնակարանում հայտնաբերեցին անհետացած 56-ամյա տղամարդու դին՝ պարանոցի ծակած-կտրած-վերքով: Տանն էր նաև նրա հետ վեճի բռնված հարևանը:
Ձեռնարկված օպերատիվ-հետախուզական և քննչական միջոցառումների շնորհիվ պարզվեց, որ գումարային հարցերի շուրջ ծագած վիճաբանության ժամանակ 56-ամյա տղամարդուն խոհանոցային դանակով սպանել էր 55-ամյա հարևանը:
Կասկածյալը բերման ենթարկվեց ոստիկանության Մաշտոցի բաժին:
Դեպքի առթիվ հարուցվել է քրեական գործ:
56-ամյա տղամարդը խոստովանել է կատարածը և ձերբակալվել:
Դանակն առգրավվել է:
Նշանակվել է դատաբժշկական փորձաքննություն:
Կատարվում է նախաքննություն:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
