Ղազախստանում ՀԱՊԿ գործողությունը զարմանք է առաջացրել Արևմուտքում․ Լավրով

Ղազախստանում ՀԱՊԿ ստորաբաժանումների տեղակայման արագությունը զարմանք է առաջացրել Արևմուտքում, խաղաղապահ ուժերի օգնությունը գնահատվել է բոլորի կողմից, ասել է ՌԴ ԱԳ նախարար Սերգեյ Լավրովը։

«ՀԱՊԿ Խաղաղապահ ուժերի ներուժն ապացուցել է իր կենսունակությունը, իմ կարծիքով, ողջ աշխարհին: Այն զարմանքը, որով Արևմուտքը հետևում էր այն ստորաբաժանումների տեղակայման արագությանը, որոնք ուղարկվել էին ՀԱՊԿ բոլոր երկրներից՝ օգնելու դաշնակից Ղազախստանին, իհարկե բոլորի կողմից գնահատվել է, ես դրանում կասկած չունեմ»,- ասել է Լավրովը։