Բանկեր, հեռուստաալիքներ, հյուրանոցներ. ինչ բիզնեսներ ունի Նազարբաևը

Ղազախստանի նախկին նախագահ Նուրսուլթան Նազարբաևի մոտ հայտնաբերվել է առնվազն 8 միլիարդ դոլարի ակտիվներ, որոնք բաշխված են չորս հիմնադրամներում։ Այս մասին ասվում է Կոռուպցիայի և կազմակերպված հանցավորության ուսումնասիրության կենտրոնի (OCCRP), Vласть и Kloop-ի համատեղ հետաքննության մեջ։

Ըստ հետաքննող լրագրողների՝ Նազարբաևի հիմնադրամներին են պատկանում բանկեր Ղազախստանում, Ղրղզստանում և Ռուսաստանում, հեռուստաալիքներ, հյուրանոցներ, առևտրի կենտրոններ և գործարաններ։

Նրանց խոսքով՝ ակտիվները ներառում են թատրոն, 100 միլիոն դոլար արժողությամբ մասնավոր ինքնաթիռ, գոլֆի դաշտ, պարտատոմսեր և կանխիկ գումար։

Ընդհանուր առմամբ, ըստ հետաքննության հեղինակների, Նազարբաևն իր նախագահության օրոք հիմնել է չորս բարեգործական հիմնադրամներ՝ Նազարբաևի հիմնադրամը, Նուրսուլթան Նազարբաևի հիմնադրամը, Դեմեու և Էլբասի հիմնադրամները։

Միաժամանակ լրագրողները նշում են, որ ֆորմալ առումով բոլոր ակտիվները Նազարբաևին չեն պատկանում։ Սակայն փաստաբանները, որոնց հետ կապվել են հետաքննիչները, պնդում են, որ «ազգի առաջնորդը» վերահսկում է դրանք և կարող է վաճառել կամ փոխանցել։