Մակրոնը Մոսկվա է ժամանել ուշացումով
Աշխարհ
Ֆրանսիայի նախագահ Էմանուել Մակրոնը Ռուսաստան է մեկնել նախատեսվածից ուշ, հայտնում է BFMTV-ն։ «Նա Մոսկվա թռավ մի փոքր ուշացումով՝ 30-45 րոպե», - ասում է հեռուստաալիքի սյունակագիր Պատրիկ Սոսը:
Մակրոնը հանդիպումից առաջ հայտարարել է, որ դրականորեն է տրամադրված Պուտինի հետ հանդիպմանը և հավատում է «անսպասելի հրաշքների»:
ՌԴ մայրաքաղաքում Մակրոնը բանակցություններ կվարի երկրի նախագահ Վլադիմիր Պուտինի հետ: Ֆրանսիացի առաջնորդի խոսքով՝ իր այցի նպատակն է թույլ չտալ, որ Ուկրաինայի շուրջ տիրող իրավիճակը վատթարանա: Կրեմլում ակնկալում են, որ երկրների ղեկավարներն առաջին հերթին կքննարկեն անվտանգության երաշխիքները:
Միևնույն ժամանակ ռուսական կողմը չի կանխատեսում, թե ինչ վճռորոշ բեկումներ տեղի կունենան, քանի որ իրավիճակը բավականին բարդ է: Պուտինի և Մակրոնի հանդիպման ավարտին համատեղ ասուլիս է նախատեսվում:
Հայտնի է, որ երեքշաբթի ֆրանսիացի առաջնորդը կմեկնի Կիև:
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
