«Ինչպե՞ս շարունակել ապրել». Կադիրովը` Մեծ Բրիտանիա այցելելու իր երազանքի մասին
Աշխարհ
Չեչնիայի Հանրապետության ղեկավար Ռամզան Կադիրովը խոսել է Մեծ Բրիտանիա այցելելու իր երազանքի մասին։ Այս մասին նա կիսվել է իր Telegram ալիքում։
«Միայն լինեմ այնտեղ: Շրջեմ Լոնդոնով, վայելեմ Թեմզայի տեսարանները Թաուեր կամուրջից, նայեմ Բիգ Բենին և Բուքինգհեմյան պալատին, թափառեմ Թրաֆալգարյան հրապարակում», - գրել է նա:
Այժմ, ինչպես նշել է քաղաքական գործիչը, այս երազանքը դժվար թե իրականանա։
«Ի՞նչ եմ անելու հիմա: Ինչպե՞ս շարունակել ապրել»,- հեգնանքով հարցրել է նա:
Կադիրովը նաև քննադատել է բրիտանական իշխանություններին` վատ պահվածքի համար և խորհուրդ տվել «իրեն անկյուն չքշել», քանի որ իր զայրույթի համեմատ «պատժամիջոցները ծաղիկներ են թվալու»։
«Դուք թույլ չտվեցիք իրականանալ զբոսաշրջիկի երազանքը, ով պարզապես ուզում էր գալ և սուզվել Շեքսպիրի ու Շերլոկ Հոլմսի աշխարհում», - ավելացրեց նա:
ՈՒՂԻՂ ԵԹԵՐ
Ամենադիտված 
Բլոգեր Նուշ Օհանյանն իր դստեր հետ միասին այցելել է ամուսնու շիրիմին և հրապարակել է լուսանկար (լուսանկար)
