«Աղի հարցը հումորի թեմա ա դարձել, բայց հիվանդությունը ձեռք ենք բերում, հետո մտածում՝ ոնց բուժենք». Փաշինյան

«Ես հետեւում եմ, թե ինչ արձագանքներ կան առաջիկայում իրականացվելիք ռեֆորմի մասին, որը վերաբերում է հանրային սննդի օբյեկտներում աղի օգտագործման չափանիշին: ». Այս մասին այսօր՝ մարտի 17-ի, Կառավարության նիստում ասաց ՀՀ վարչապետ Նիկոլ Փաշինյանը՝ անդրադառնալով աղամանների սահմանափակումների որշմանը:

«Դա հիմնականում հումորի թեմա է դառնում, ինչո՞ւ, որովհետև, ցավոք սրտի, ոչ բոլորը գիտեն, թե, ասենք, աղի գերօգտագործումը հետագայում ինչ ազդեցություն է ունենում մեր հանրային առողջության վրա: մենք բոլոր ստանդարտները կրկնակի, եռակի գերազանցում ենք, հետո կանգնում ենք առողջապահական խնդրի առաջ: Հետո պարզվում է, թե մեր բյուջեն որքան գումար է ծախսում եւ ցավոք սրտի այդ ծախսերով չենք կարողանում մեր քաղաքացիների բոլոր առողջապահական խնդիրները հոգալ: Մենք կարծես խթանում ենք, որ մարդիկ հնարավորինս շատ հիվանդություն ձեռք բերեն, որ հետո մտածենք՝ ոնց դա բուժենք», - ասաց նա:

Փաշինյանի խոսքով՝ առողջ ապրելակերպը պետք է լինի իրենց ռազամավարական մոտեցումն ու գնալու են այդ ճանապարհով.

«Սա հեշտ ճանապարհ չէ, բայց գնալու ենք այդ ճանապարհով: Դրանք բոլորը պետք է բխեն կոնկրետ ռազմավարություններից եւ դրանք պետք է շարունակենք», - ասաց նա:

Հիշեցնենք՝ ՀՀ առողջապահությանը նախարարությունը հանրային քննարկման է ներկայացրել «Առևտրի և ծառայությունների մասին» օրենքում լրացում կատարելու մասին» և «Վարչական իրավախախտումների վերաբերյալ օրենսգրքում լրացումներ կատարելու մասին» օրենքների նախագիծ, ըստ որի՝ հանրային սննդի օբյեկտներում կարգելվի աղամանի առկայությունը սեղանի վրա, եթե դա հաճախորդը չի պահանջում: