Պուտինը հայտարարել է արտասահման ապրանքների մատակարարման հարցում ավելի զգույշ լինելու անհրաժեշտության մասին

Ռուսաստանն այս տարի ավելի շրջահայաց է լինելու արտասահման սննդամթերքի մատակարարման հարցում, հատկապես այն երկրներին, որոնք թշնամական քաղաքականություն են վարում իր նկատմամբ։ Համապատասխան հայտարարությունն արել է ՌԴ նախագահ Վլադիմիր Պուտինը՝ ագրոարդյունաբերական համալիրին աջակցելու վերաբերյալ հանդիպման ժամանակ, փոխանցում է ՏԱՍՍ-ը։

Միաժամանակ նա նշել է, որ արտադրության աճի շնորհիվ հնարավոր է դարձել Ռուսաստանում ապահովել պարենային ապրանքների ավելի ցածր գներ, քան համաշխարհային շուկայում։

«Պարենային ինքնաբավությունը Ռուսաստանի իրական մրցակցային առավելությունն է, և այն պետք է աշխատի ի շահ մեր քաղաքացիների։ Մենք պետք է նրանց պաշտպանենք շուկայի տատանումներից, պարենային ապրանքների համաշխարհային շուկայում գների տատանումներից»,- ասել է Պուտինը։