«Չեմ տեսնում մի պոտենցիալ սցենար, որում Կիևը չհաղթի». Բլինկեն

Պետքարտուղարության ղեկավար Էնթոնի Բլինկենը NBC-ին տված հարցազրույցում ասել է, որ ԱՄՆ-ն և նրա դաշնակիցներն արդեն տրամադրել են կամ շուտով Ուկրաինային կտրամադրեն «10 հակատանկային համակարգ յուրաքանչյուր ռուսական տանկի համար»։ Բլինկենը նաև ասել է, որ Ուկրաինայում զինված հակամարտությունը կարող է ձգձգվել, սակայն ինքը չի տեսնում «մի պոտենցիալ սցենար», որում Կիևը չհաղթի։

Չորեքշաբթի երեկոյան New York Times-ը, հղում անելով Պենտագոնի պաշտոնյաներին, հայտնել է, որ ուկրաինացի զինվորականների խումբը գտնվում է ԱՄՆ-ում, ովքեր երկար ծրագրված ուսումնական ծրագրի շրջանակներում վերապատրաստվել են Switchblade անօդաչու թռչող սարքերի միջոցով:

Switchblade մեկանգամյա օգտագործման կամիկաձե անօդաչու սարքերը մշակվել են ԱՄՆ բանակի կողմից Աֆղանստանում մարտերի ժամանակ որպես «թափառող զինամթերք», որը կշռում է ընդամենը 2,7 կգ և տեղավորվում է ուսապարկի մեջ, այսինքն՝ կարող է կրել մեկ զինվոր։

Մարտի 15-ին Սպիտակ տունը հայտարարեց, որ Ուկրաինային 100 նման անօդաչու թռչող սարք է մատակարարելու՝ որպես 800 միլիոն դոլար ընդհանուր գումարի օգնության փաթեթի մաս: