Առանց Բելառուսի մասնակցության ռուս-ուկրաինական բանակցություններ չեն կարող լինել. Լուկաշենկո

Ապրիլի 7-ի դրությամբ BBC լրատվականը իր տելեգրամյան էջում հրապարակել է Բելառուսի նախագահ՝ Ալեքսանդր Լուկաշենկոյի խոսքերն այն մասին, որ Մոսկվայի և Կիևի միջև բանակցություններ չեն կարող լինել առանց Բելառուսի մասնակցության:

«Առանց Բելառուսի մասնակցության բանակցություններ չեն կարող լինել. Քանի որ դուք մեզ ներքաշեցիք այս գործի մեջ, իհարկե, պետք է հնչեցվի Բելառուսի դիրքորոշումը։ Սա այն պատճառով չէ, որ մեզ բեռնել են Ռուսաստանի հետ նույն զամբյուղի մեջ, ոչ, պարզապես մենք չենք կարող անտարբեր մնալ երբ այս պատերազմը մեր երկրի ցանկապատի հետևում է։ Եվ դա լրջորեն ազդում է Բելառուսի իրավիճակի վրա, ուստի Բելառուսի թիկունքում առանձին պայմանավորվածություններ չեն կարող լինել»,- ասել է նա։ 

 Լուկաշենկոն պնդել է, որ երբ պատերազմից հետո սկսվի Ուկրաինայի վերածննդի շրջանը, արևմտյան պետությունները չեն օգնելու վերանկանգնել երկիրը։