Հռոմի պապը ռասիզմ է անվանել Արևմուտքի վերաբերմունքն ուկրաինացի փախստականների նկատմամբ

Հռոմի պապ Ֆրանցիսկոսը հայտարարել է, որ մտահոգված է այն փաստով, որ Արևմուտքում ուկրաինացի փախստականներին ավելի լավ են ընդունում, քան աշխարհի մյուս մասերից եկողներին, և ռասիզմ է անվանել դա։

Այդ մասին Հռոմի պապը խոսել է իտալական RAI հեռուստատեսությանը տված հարցազրույցում և բացատրել նման վերաբերմունքն ուկրաինացիների նկատմամբ նրանց մաշկի գույնով։

«Փախստականներին բաժանում են առաջին և երկրորդ խավերի, մաշկի գույնով և նրանով, թե որտեղից են նրանք եկել՝ զարգացած, թե թույլ զարգացած երկրներից։ Մենք ռասիստ ենք և դա շատ վատ է»,- հայտարարել է Հռոմի պապը։

Միևնույն ժամանակ, նա նշել է, որ բոլոր երկրներն ինքնապաշտպանության իրավունք ունեն, սակայն «խաղաղությունից ընդհանուր հրաժարումը» խնդրահարույց է։

«Ես հասկանում են այն կառավարություններին, որոնք զենք են ձեռք բերում։ Ես նրանց հասկանում եմ։ Նրանց չեմ արդարացնում, բայց հասկանում եմ։ Որովհետև մենք պետք է մեզ պաշտպանենք, որովհետև սա պատերազմի կայենական մոդելն է։ Եթե խաղաղության օրինակը գոյություն ունենար` այս ամենը չէր լինի։ Բայց մենք իշխանության, անվտանգության և շատ այլ բաների ձգտումով՝ ապրում ենք իրար սպանելու սատանայական մոդելով»,- ասել է Հռոմի պապը։