Ավստրալիայում շնաձուկը հարձակվել է նավակի վրա (տեսանյութ)
ԱյլԱվստրալիայի Պերտ քաղաքի մոտ հսկայական շնաձուկը ատամները խրել է ձկնորսների նավակի շարժիչի մեջ։ Միջադեպը ֆիքսվել է տեսանյութով, որը գրավել է Daily Mirror-ի ուշադրությունը։
Կապիտան Մեթ Զենը և նրա ընկերները բռնել էին շնաձկան և ավելի քան մեկ ժամ փորձում էին նրան դուրս հանել ջրից, մինչև գիշատիչ ձուկը լողալով մոտեցավ նրանց նավակին և կծեց դրա շարժիչից:
Տեսաձայնագրությունը ցույց է տալիս, թե ինչպես է երեք մետրանոց գիշատիչը մոտենում նավակին ու հանկարծ ատամները խրում շարժիչի մեջ։ «Դա հրեշ է, նա կծել է շարժիչից»,- բղավում է թիմի անդամներից մեկը: Կենդանին որոշ ժամանակ չի շարժվում, որից հետո անձնակազմը սկսում է անհանգստանալ։
«Մենք մոտ հինգ րոպե բարձրացրեցինք և իջեցրինք շարժիչը, որից հետո նա վերջապես հեռացավ», - ասել է Զենը: Նավի մեկ այլ ձկնորս՝ Ջերիդ Ինգլենդը, նշել է, որ պտուտակը գրեթե ամբողջությամբ ձկան բերանում էր։
Միջադեպից ոչ շնաձուկը, ոչ նավակը չեն տուժել։