Նշվել է հարբուխի բուժման հիմնական կանոնները

Թերապևտ և «Ապրիր առողջ» հաղորդաշարի վարող Ելենա Մալիշևան նշել է հարբուխի բուժման հիմնական կանոնները: Իր Telegram-յան ալիքում կատարած գրառման մեջ նա գնահատել է այս ախտանիշի դեմ պայքարի հանրաճանաչ մեթոդների արդյունավետությունը, գրում է Lenta.ru-ն:

Թերապևտի խոսքով` քթահոսքի բուժման հիմնական և ամենաարդյունավետ մեթոդը քիթը ֆիզիոլոգիական լուծույթով ողողելն է։ «Դա արվում է (քթի ողողում-խմբ) այսպես՝ գլուխդ թեքում ես մի կողմ, քթի վերին հատվածից  ֆիզիոլոգիական լուծույթ ներարկում, որն էլ քթի մյուս մասով դուրս է թափվում։ Նույնը նաև մյուս կողմից», - ասել է Մալիշևան և պարզաբանել, որ անհրաժեշտ է լվանալ քիթը օրը երկու անգամ:

Բժիշկը խորհուրդ է տվել բորբոքման բուժման ժամանակ զերծ մնալ անոթները նեղացնող կաթիլներ օգտագործելուց։ «Անոթները նեղացնող կաթիլները բացառված են մրսածության բուժման համարյա բոլոր միջազգային ստանդարտներից: Դա պայմանավորված է նրանով, որ դրանք ունեն բազմաթիվ կողմնակի ազդեցություններ», - բացատրել է Մալիշևան: Նա հավելել է, որ կաթիլները կարելի է օգտագործել երեքից հինգ օրից ոչ ավելի, այլապես դեղամիջոցը կարող է վնասել մարդուն։

Հոսող քթի բուժման մեկ այլ արդյունավետ մեթոդ հաղորդավարուհին անվանել է հորմոն պարունակող սփրեյների օգտագործումը։ Ինչպես նշել է բժիշկը, հորմոնները չեն ներծծվում արյան մեջ և արագորեն վերացնում են բորբոքումը։