Դմիտրի Մեդվեդևն ամուսնալուծվե՞լ է

Տելեգրամյան ալիքները սկսել են քննարկել ՌԴ նախկին նախագահ, այժմ Անվտանգության խորհրդի ղեկավարի տեղակալ Դմիտրի Մեդվեդևի և նրա կնոջ՝ Սվետլանայի հնարավոր բաժանումը։ Օրեր առաջ այս թեմայով Panorama երգիծական պարբերականի հեգնական լուրը հայտնվել էր TJournal կայքում։

Այնտեղ խոսվում էր Սվետլանա Մեդվեդևայի՝ Քսենյա Սոբչակի հետ անիրական հարցազրույցի մասին, որում նախկին առաջին տիկինը խոսում էր ընտանեկան տարաձայնությունների մասին։ Այս կատակերգական հրապարակման մեջ Մեդվեդևան բողոքել է, որ իր ամուսինը «անպարկեշտ» Telegram ալիք է վարում և նրան կասկածել է լրագրող Անտոն Կրասովսկու հետ սիրավեպի մեջ։ TJournal-ի հրապարակումն ուղեկցվում էր գրությամբ, որ «լուրը միայն պարոդիա է» և «բոլոր կերպարներն ու իրադարձությունները հորինված են»։
Սակայն հրապարակումը հնչեղություն ստացավ, և շուտով Մեդվեդևի ընտանեկան կյանքի քննարկումը տարածվեց հեռագրային ալիքներում, որտեղ հնարավոր բաժանման մասին լուրը սկսվեց լրջորեն քննարկվել։

Լրատվամիջոցները գրում են, որ «Դիմոնին» լքել է կինը՝ Սվետլանան։ Նրանց վերջին անգամ միասին տեսել են 2020 թվականի հունվարին՝ Մոսկվայում Սուրբ Ծննդյան արարողության ժամանակ։ Նրանք ամուսնացած են 1993 թվականից։  «Ինչպես մի քանի աղբյուրներից լսել ենք, Սվետլանան ու Դմիտրի Մեդվեդևը երկար ժամանակ է, ինչ միասին չեն ապրում, ավելին, Սվետլանան նույնիսկ Ռուսաստանում չէ։ Պաշտոնական ամուսնալուծությունը նրանց դեպքում ավելի շուտ ձևական բնույթ է կրում, ինչը կարող է օգնել միայն նախկին նախագահի կնոջը արտաքին պատժամիջոցների յուրաքանչյուր նոր փաթեթից խուսափել, թեև, Լյուդմիլա Պուտինային (կամ, ավելի ճիշտ, Օչերետնայային) չօգնեց դա,֊ Մեդվեդևների ընտանիքին մոտ կանգնած աղբյուրի խոսքերով կիսվել է «Antiglanets» հեռագրային ալիքը: