Քիրսթեն Դանսթը և Ջեսսի Պլեմոնսն ամուսնացել են
Լուսանկարներ
Քիրսթեն Դանսթն օրինականացրել է իր հարաբերությունները սիրելիի՝ Ջեսսի Պլեմոնսի հետ։ Զույգն ամուսնացել է Յամայկայի Օչո Ռիոս հանգստավայրում՝ անցած շաբաթավերջին։ «Կարող եմ միայն հաստատել, որ նրանք ամուսնացել են»,֊ասել է աղբյուրը Page Six հրատարակությանը` հրաժարվելով որևէ մանրամասներ հաղորդել արարողության մասին։
Հատկանշական է, որ Քիրսթենն ու Ջեսսին ծանոթացել են 2015 թվականին՝ Fargo հեռուստասերիալի նկարահանման հրապարակում, որտեղ նրանք մարմնավորել են ամուսնական զույգի։ Այնուամենայնիվ, հայտնիները սկսել են հանդիպել միայն 2016 թվականին այն բանից հետո, երբ դերասանուհին բաժանվեց իր նախկին ընկերոջից՝ Գարեթ Հեդլունդից:
Զույգն արդեն երկու որդի ունի՝ Էնիսը և Ջեյմս Ռոբերտը։ Փետրվարին Դանսթը LA Times-ին ասել էր, որ ինքը և Ջեսսին երկար ժամանակ է, ինչ այրուկին են, բայց հարսանիքը ստիպված են եղել հետաձգել կորոնավիրուսային համաճարակի պատճառով։
Այս տարվա սկզբին Քիրսթենը և Ջեսսին առաջադրվել էին «Օսկարի» «Շան իշխանությունը» ֆիլմում իրենց դերերի համար, որտեղ նրանք նաև խաղում էին նորապսակների:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
