Սելֆի, դատարկ Լուվր և զբոսանքներ. Քիմ Քարդաշյանը դստեր հետ Փարիզում է (լուսանկարներ)

Քիմ Քարդաշյանը, ով Balenciaga-ի ցուցադրությանը որպես մոդել իր նորամուտով դարձավ բարձր նորաձևության այս շաբաթվա աստղը, ժամանակ է հատկացրել՝ վայելելու նաև Փարիզի տեսարժան վայրերը։ Մոր՝ Քրիս Ջենների և դստեր՝ Նորթի հետ նա գնացել է Լուվր։ Ընտանիքին բախտ է վիճակվել այցելել թանգարան նույնիսկ պաշտոնական բացումից առաջ, ուստի նրանք ստիպված չի եղել անցնել զբոսաշրջիկների բազմության միջով Լեոնարդո դա Վինչիի «Մոնա Լիզա» կտավին հասնելու համար, գրում է Spletnik-ը։

«Անհավանական այց Լուվր՝ վաղ առավոտյան։ Այնքան հիանալի է,- կիսվել է իր տպավորություններով Քրիս Ջենները:

Քիմը իր հետևորդների հետ կիսվել է նաև քաղաքում երեկոյան զբոսանքներից կադրերով։ Իննամյա Նորթը սիրով լուսանկարվել է հայտնի Էյֆելյան աշտարակի և Լուվրի ապակե բուրգի ֆոնին: Մոր համար նկարվելն ակնհայտորեն ավելի հաճելի է աղջկան, քան լրագրողների համար։

Նորթը, ով Քիմի հետ մասնակցել է շոուներին, ակամա հայտնվել է ուշադրության կենտրոնում։ Աղջիկը մտավ նորաձևության աշխարհ, և բոլորը սկսեցին քննարկել նրա հանդերձանքները՝ նշելով, որ հիշարժան կերպարների հարցում Նորթը նույնիսկ գերազանցել է իր հայտնի բարեկամներին։ Նրան կարծես դուր չեկավ այդ ուշադրությունը:

Ինչպես հայտնի է, Ժան Պոլ Գոտիեի շոուի ժամանակ Նորթը ներկայացավ Stop պաստառով, որը ցույց էր տալիս լուսանկարիչներին և օպերատորներին։ Քիմն ավելի ուշ դստեր պահվածքը մեկնաբանել է նրանով, որ աղջիկն ակնարկել է՝ պետք է ավելի շատ ուշադրություն դարձնել բեմին, այլ ոչ թե առաջին շարքում նստած հայտնիներին։