Հնդկաստանում վագրը համագյուղացիների աչքի առաջ հոշոտել է 45-ամյա կնոջը

Հնդկաստանում վագրը հարձակվել է 45-ամյա կնոջ վրա, ով գյուղի հարեւանների հետ գնացել էր անտառ՝ փայտ հավաքելու։ Այս մասին հայտնում է Times of India-ն։

Միջադեպը տեղի է ունեցել այս տարվա հունվարի 6-ին Մադհյա Պրադեշ նահանգի Բադկաբոլ գյուղում։ Աղբյուրի փոխանցմամբ՝ հարձակումից հետո կանանցից մեկը սկսել է մարդկանց օգնության կանչել, սակայն մինչ նրանք հասել են, տուժածն արդեն մահացել էր։

Նշվում է, որ դեպքից 20 օր առաջ վագրը հարձակվել էր տեղի մեկ այլ բնակչի վրա, սակայն նրան հաջողվել էր ողջ մնալ։ Ըստ գյուղացիների՝ տեղական իշխանությունները անտեսում են մարդկանց վրա գիշատիչների հարձակման վտանգը և հրաժարվում են գյուղի շուրջը պարիսպ կառուցել։