Կինը պատմել է «դինոզավրի ձեռքերով» կյանքի առավելությունների մասին

ԱՄՆ Մասաչուսեթս նահանգի բնակչուհի Քեսիդի Լարամին պատմել է «դինոզավրի ձեռքերով» իր կյանքի մասին։ Նրա պատմությամբ կիսվել է The New York Post-ը:

Կինը ծնվել է վեց մատով։ «Ես ծնվել եմ աջ ձեռքիս երեք մատով, իսկ ձախը դեֆորմացվել էր։ Ես ունեի ճկույթի կեսը և երկու բութ մատ: Ես կլինեի բթամատերի մարտում մարդասպան, բայց մեկը հեռացվեց, երբ փոքր էի», - նկարագրել է նա իր հաշմանդամությունը:

Լարամին խոստովանել է, որ հաճախ ոտնձգությունների թիրախ է դառնում իր անսովոր արտաքինի պատճառով։ Կնոջ խոսքով՝ իրեն հաճախ համեմատում են նինձյա կրիայի, վելոցիրապտորի կամ տիրանոզավրի հետ։ Այնուամենայնիվ, Լարամին անտեսում է ծաղրանքները: Նա ընդունել է իր մարմինն այնպիսին, ինչպիսին որ այն կա և նույնիսկ դրական կողմեր ​​է գտել իր հիվանդության մեջ: Այսպես, օրինակ, գեղեցկության սրահներում նրան զեղչ են տալիս մատնահարդարման համար՝ նյութերի ավելի քիչ սպառման պատճառով։ Նա կարող է նաև հեշտությամբ վերցնել մետաղադրամները, որոնք ընկել են բազմոցի հետևում:

Այնուամենայնիվ, Լարամին բախվում է նաև որոշակի մարտահրավերների և սահմանափակումների: Կինը թույլ դաստակներ ունի, արթրիտ և բազուկների սահմանափակ շարժումներ, ինչը դժվարացնում է դռները և սննդի փաթեթները բացելը: «Ես միշտ մտածում եմ, թե որ մատին եմ դնելու իմ ամուսնական մատանին, քանի որ մատնեմատ չունեմ», - հավելել է նա:

Չնայած դրան՝ Լարամին պնդում է, որ չէր ցանկանա որևէ բան փոխել իր մեջ։ «Նույնիսկ այն դժվարությունները, որոնց միջով անցել եմ իմ կյանքում, օգնեցին ինձ դառնալ այնպիսին, ինչպիսին կամ այսօր՝ ուժեղ և վստահ»,- ասել է կինը: