«Չնայած նրան, որ պատերազմն ավարտվել է, բայց պայքարը շարունակվում է»․ Ալիևը կրկին հոխորտացել է
Արտաքին Քաղաքական«Այսօր ոչ մեկի համար գաղտնիք չէ, որ Ադրբեջանն աշխարհում ճանաչված է որպես «շատ վստահելի և լուրջ գործընկեր»։ Ադրբեջանն այն երկրներից է, որոնք «բացահայտորեն արտահայտում են իրենց դիրքորոշումն ու ինքնուրույն քաղաքականություն են վարում»։ Իհարկե, դրա հիմքում ընկած է «և՛ մեր ռազմական հզորությունը, և՛ փառահեղ հաղթանակը»»,- այս մասին տեղական հեռուստաալիքներին տված հարցազրույցում ասել է նախագահ Իլհամ Ալիեւը։
«Այժմ մենք պետք է ամրապնդենք պատերազմից հետո ստեղծված իրավիճակը, այսինքն, ամրապնդենք մեր դիրքերը։ Անցած երկու տարում մեզ հաջողվել է հասնել այն ամենին, ինչին ձգտում էինք թե՛ միջազգային ասպարեզում, թե՛ տանը», - նշել է Ալիևը։
Նրա խոսքով՝ չնայած պատերազմն ավարտվել է, բայց պայքարը շարունակվում է։
«Ես կենդանի վկան եմ, որ պատերազմից հետո Ադրբեջանի քաղաքականության նկատմամբ առանց այն էլ դրական վերաբերմունքն էլ ավելի է աճել, այսինքն՝ մեր հանդեպ համակրանքն ավելի է աճել։ Եվ դա այն պատճառով, որ աշխարհի քաղաքական վերնախավը քաջ գիտակցում է, թե ինչ գնով ենք մենք հասել այս հաղթանակին, ինչ ռիսկերի ենք դիմել, ինչ ուժերի դեմ ենք պայքարել և այսօր պայքարում։ Այսինքն՝ չնայած պատերազմն ավարտված է, բայց պայքարը դեռ շարունակվում է, և ես վստահ եմ, որ մենք հաղթելու ենք, քանի որ ճիշտ ուղու վրա ենք, և մեր ռազմական և քաղաքական հզորությունը, ներառյալ մեր տնտեսական անկախությունը, անշուշտ մեծացնում է մեր հզորությունը»,- ասել է նա։