Շակիրան «զայրացած» է Պիկեի վրա՝ որդու մասնակցությամբ ուղիղ եթերի պատճառով

Երգչուհի Շակիրան կատաղի քննադատության է ենթարկել նախկին ամուսնուն՝ Ժերար Պիկեին՝ իրենց որդու հետ ուղիղ եթեր հեռարձակելու համար, հայտնում է Marca-ն։

Twitch-ի ուղիղ եթերում նրա իննամյա որդին՝ Միլանը նստել է ֆուտբոլիստի կողքին։ Շակիրան դժգոհ է մնացել նախկին ամուսնու նման հրապարակային քայլից։

«Ոչ մի դեպքում նա նախնական համաձայնություն չի տվել և նրա հետ չեն խորհրդակցել որդու՝ Միլանի մասնակցության մասին Ժերար Պիկեի ընկերության միջոցառման հեռարձակմանը, մեծահասակների համար նախատեսված բովանդակության քննարկմանը», - ասել է ինսայդերը հրապարակմանը:

Նա նաև հավելել է, որ Շակիրային «կատաղեցրել է» նախկին ամուսնու արարքը։

Շակիրայի և Ժերար Պիկեի հարաբերությունները տևել են մոտ տասնմեկ տարի։ Զույգը երկու երեխա ունի՝ 9-ամյա Միլանն ու 7-ամյա Սաշան։ Երգչուհին ստացել է նրանց խնամակալությունը։