Ուկրաինայում հատուկ գործողության նպատակները հորինված չեն. Լավրով
Աշխարհ
Ռուսաստանի արտաքին գործերի նախարարության ղեկավար Սերգեյ Լավրովը հայտարարել է, որ Ուկրաինայում հատուկ ռազմական գործողության նպատակները հորինված չեն։ Այս մասին հայտնում է РИА Новости-ն։
Ռուս նախարարի խոսքով՝ նախանշված նպատակների թվում է Ուկրաինայում ռազմական ենթակառուցվածքի բացակայությունը, որը վտանգ է ներկայացնում Ռուսաստանի Դաշնության համար։
«Հատուկ ռազմական գործողությունն ունի նպատակներ, որոնք հորինված չեն, և որոնք որոշվում են Ռուսաստանի Դաշնության հիմնարար, օրինական անվտանգության շահերով»,- ասել է Լավրովը։
Նա նաև ուշադրություն է հրավիրել այն փաստի վրա, որ Ուկրաինայում, ինչպես Ռուսաստանի Դաշնությանը սահմանակից ցանկացած այլ տարածքում, չպետք է լինի վտանգ ներկայացնող ռազմական ենթակառուցվածք։
Բացի այդ, Լավրովն ընդգծել է, որ երկրի ռուսալեզու բնակչության նկատմամբ ճնշումներ չպետք է լինեն։
«Չպետք է լինի խտրականություն, հալածանք մեր այն հայրենակիցների նկատմամբ, ովքեր ճակատագրի կամքով պարզվել է, որ ուկրաինական պետության քաղաքացիներ են, բայց ցանկանում են պահպանել իրենց լեզուն, մշակույթը»,- պարզաբանել է ՌԴ ԱԳ նախարարը։
Ամենադիտված 
Ջուր չի լինի նոյեմբերի՝ 25, 26 և 27-ին տասնյակ հասցեներում
