Իրանում երկրաշարժի հետևանքով տուժել է 120 մարդ

Իրանի հյուսիս-արևմուտքում տեղի ունեցած երկրաշարժի հետևանքով 120 մարդ Է տուժել, որոնք փորձել են փախչել տարերքից: «Արմենպրես»-ի փոխանցմամբ՝ այս մասին հաղորդում է իրանական Tasnim լրատվական գործակալությունը՝ վկայակոչելով Արևմտյան Ադրբեջանի նահանգի Կարմիր մահիկի ընկերությանը։

Չորեքշաբթի օրը Եվրոպական Միջերկրածովյան սեյսմոլոգիական կենտրոնը հայտնել է, որ տեղի ժամանակով ժամը 13:38-ին 5,9 մագնիտուդ հզորությամբ երկրաշարժ է գրանցվել Իրանի Արևմտյան Ադրբեջանի նահանգի Խոյ քաղաքից 15 կմ դեպի հարավ-արևմուտք և Ուրմիա քաղաքից 107 կմ հեռավորության վրա:

«Տուժածների թիվն այս պահին, ինչպես հաղորդվում է, 120 Է: Նրանք վնասվածքներ են ստացել փախուստի փորձ կատարելու ժամանակ», - ասվում է գործակալության հաղորդագրության մեջ։

Նշվում է, որ երկրաշարժից տուժած շրջաններում անցկացվում Է իրավիճակի գնահատում։ Տուժել Է առնվազն 12 բնակավայր։ Գրանցվել Է առնվազն հինգ հետցնցում։