ԱՄՆ-ում կոչ են արել «կանգնեցնել Էրդողանին»

ԱՄՆ ազգային անվտանգության նախկին խորհրդական Ջոն Բոլթոնը հայտարարել է, որ Արևմուտքը պետք է կանգնեցնի Թուրքիայի առաջնորդ Ռեջեփ Թայիփ Էրդողանին։ Այս մասին այսօր՝ հունվարի 18-ին, հաղորդում է Sepah Pasdaran-ը։

«Էրդողանին կարելի է կանգնեցնել, եթե Արևմուտքը օգնի Թուրքիայի ընդդիմությանը… Ամեն ինչ ավելի վատ կլինի, եթե Էրդողանին դիմադրություն ցույց չտան»,- ասել է նա:

Նրա խոսքով՝ Թուրքիան Հյուսիսատլանտյան դաշինքի անդամ է, սակայն իրեն դաշնակցի պես չի պահում։ Ռեջեփ Թայիփ Էրդողանի ղեկավարությամբ՝ Թուրքիան կրկին դարձել է «Եվրոպայի հիվանդ մարդը», ընդգծել է Բոլթոնը։

«Էրդողանի գործունեությունը մշտապես պառակտող է եղել: Նրա ռազմատենչ տարածաշրջանային քաղաքականությունը վտանգավոր է եղել՝ Թուրքիայի հետօսմանյան աշխարհիկ սահմանադրության հիմնական տարրերի խարխլումից սկսած մինչև նրա կողմից ֆինանսական համակարգը և տնտեսական կայունությունը բազմաթիվ անգամներ վտանգի ենթարկելը:

Դաշինքը պետք է դադարեցնի Անկարայի անդամակցությունը ՆԱՏՕ-ին։ Հեռացման քննարկումն այժմ թույլ կտա ՆԱՏՕ-ին քննարկել Թուրքիայի անդամակցության դրական և բացասական կողմերը և ընդգծել, որ և՛ թուրք ընտրողների, և՛ ՆԱՏՕ-ի անդամների համար Թուրքիայի գալիք ընտրություններում խաղադրույքները մեծ են»,- նշել է նա: