ՔՊ-ական պաշտոնյաների բիզնեսները՝ մինչ հեղափոխությունը և այսօր. Էդուարդ Աղաջանյան

Շարունակելով ներկայացնել այն հեղափոխական պաշտոնյաներին, որոնց հետ փոխկապակցված բիզնեսները կտրուկ ծաղկել են հեղափոխությունից հետո, այսօր կանդրադառնանք ՔՊ-ական պատգամավոր Էդուարդ Աղաջանյանին:

Էդուարդ Աղաջանյանը 50 տոկոս բաժնեմաս ունի «Էքսիփէդ» ՍՊԸ-ում, ՍՊԸ-ի մյուս 50 տոկոս բաժնեմասը պատկանում է Նիկոլ Փաշինյանի եղբորորդուն՝ Սիփան Փաշինյանին։ Ընկերությունը զբաղվում է հանրային սննդի կազմակերպման գործունեությամբ։

Ի դեպ, 06.20.2018 թ.-ից կազմակերպության կառավարումը հանձնվել է Էդուարդի հորեղբորորդուն՝ Դավիթ Աղաջանյանին․

«Զիգզագ» ՍՊԸ-ի ղեկավարը ՀՀ վարչապետի աշխատակազմի ղեկավար Էդուարդ Աղաջանյանի հայրն է` Արթուր Աղաջանյանը: Պետական կառույցները մեկ անձից գնումներ են անում այս ընկերությունից, ինչը, իհարկե, մտորումների տեղիք է տալիս: Դիցուք՝ վիճակագրական կոմիտեն 2022-ին 441 հազար դրամի հեռախոսային սարք է գնել տվյալ ՍՊԸ-ից՝ մեկ անձից գնման ընթացակարգով:

Կրթական տեխնոլոգիաների ազգային կենտրոնը նույնպես կլորիկ գումարի գնումներ է կատարել Աղաջանյանի ընտանիքին պատկանող ՍՊԸ-ից․

2021-ին գնորդը արդեն ՀԾԿՀ-ն էր, գնման առարկան կրկին հեռախոսը․

ՀԾԿՀ-ն մեկ անձից գնման ընթացակարգով 228,000 դրամով նաև փոշեկուլ էր ձեռք բերել․

Մինչդեռ մինչ հեղափոխությունը, 2013 թվականին այս ընկերությունը գտնվում էր այն ՍՊԸ-ների շարքում, որոնք, արտաքին աուդիտի ոչ դրական եզրակացություն ստանալով, իրավունք չունեն մասնակցելու պետական գնումների մրցույթներին։ Այնուհետև պետական գնումների համակարգում ընկերության անունը ջրի երես է դուրս գալիս 2016-ին՝ փոքրիկ ՊՈԱԿ-ի կատարած գնման արդյունքում․

Հեղափոխությունից հետո տեղեկություն տարածվեց՝  Դատական դեպարտամենտից Ֆինանսների նախարարություն ուղարկված մի ուշագրավ գրության մասին ՝ «Զիգզագ» ՍՊԸ-ին գնումների գործընթացին մասնակցելու իրավունք չունեցող մասնակիցների ցուցակում ներառելու նպատակով նախաձեռնված ընթացակարգի վերաբերյալ:

Երկար-բարակ պարզաբանումներից հետո գնումների հետ կապված բողոքներ քննող անձը՝ Մհեր Անանյանը, որոշել էր նախաձեռնված ընթացակարգը մերժել։ Բողոքներ քննող անձի որոշումն իրավապարտադիր է, սակայն կարող էր բողոքարկվել դատական կարգով։ Առաջին հայացքից այս անմեղ որոշման հետևում պարզ իրողություն է․ ֆիննախի համապատասխան պաշտոնյան մերժել է իրենց ոչ անմիջական ղեկավարի, բայց ղեկավարի, այսինքն՝ կառավարության աշխատակազմի այն ժամանակվա ղեկավարի՝ Էդուարդ Աղաջանյանի հորը պատկանող «Զիգզագ»-ի դեմ բողոքը։