Ռուսաստանում զորակոչի տարիքը կարող է սահմանվել 21-30 տարեկանը
Աշխարհ
Պետդումայի մի խումբ պատգամավորներ պաշտպանության կոմիտեի նախագահ Անդրեյ Կարտապոլովի գլխավորությամբ քննարկման են ներկայացրել Զինվորական ծառայության տարիքը 21 տարեկանից աստիճանաբար բարձրացնելու մասին օրենքի նախագիծը։ Փաստաթուղթը երկուշաբթի օրը տեղադրվել է Դումայի էլեկտրոնային տվյալների բազայում։
Զորակոչային տարիքը 2024 թվականին, ըստ նախաձեռնության, կլինի 19-30 տարեկան, 2025-ին՝ 20-30 տարեկան, 2026-ին՝ 21-30 տարեկան։
Ինչպես երևում է փաստաթղթից, ցանկացողները, չնայած զորակոչային տարիքի բարձրացմանը, կարող են ծառայության գնալ 18 տարեկանից։
Բացի այդ, պահեստազորում գտնվող 27-30 տարեկան քաղաքացիների համար, ովքեր չեն անցել զինվորական ծառայություն՝ առանց օրինական հիմքերի, դա հնարավոր է անել ըստ ցանկության։
Ինչպես նշում են փաստաթղթի հեղինակները, առաջարկվող նորմերը հնարավորություն կտան վերացնել զինկոմիսարիատներում դպրոցականների և ուսանողների գտնվելու անհրաժեշտությունը՝ զինծառայության համար զորակոչից տարկետում տալու համար։ Բացի այդ, ընդհանուր կամ միջին մասնագիտական կրթություն ստացած նորակոչիկների բժշկական զննության կազմակերպման և անցկացման համար դաշնային բյուջեի ֆինանսական պարտավորությունները կկրճատվեն տարեկան ավելի քան 639 միլիոն ռուբլով:
Ամենադիտված 
Մնաս բարյավ. Րաֆֆի Հովհաննիսյան
