«Մութ ամպեր»՝ Ռուստամ Բադասյանի գլխավերևում. նա փորձո՞ւմ է պահպանել պաշտոնը

Վերջին շաբաթների ընթացքում մամուլում գրեթե յուրաքանչյուր օր հայտնվում է տեղեկություն՝ ՊԵԿ-ի կողմից իրականացված այս կամ այն աղմկահարույց բացահայտումների վերաբերյալ: Ուշագրավ է, որ ակտիվության այս ալիքը ՊԵԿ-ում սկսվեց անմիջապես այն բանից հետո, երբ կառույցը հայտնվեց ԱԱԾ ուշադրության կենտրոնում:

Այս տարվա հունվարի 25-ին ՀՀ ազգային անվտանգության ծառայությունը բացահայտել էր ՀՀ ՊԵԿ պաշտոնատար անձանց կողմից կաշառք-գումարներ ստանալու բազմաթիվ դեպքեր: Մասնավորապես, ՊԵԿ պաշտոնատար անձինք որոշ տնտեսվարողների կողմից իրականացվող չարաշահումների դեմ քայլեր չեն ձեռնարկել եւ 2022 թվականի նոյեմբերից մինչեւ 2023 թվականի հունվարի 11-ն ընկած ժամանակահատվածում նրանցից պահանջել ու ՀՀ դրամով կամ արտարժույթով ստացել են տարբեր չափերով, այդ թվում՝ խոշոր չափերով կաշառք-գումարներ:

Նախաքննության ընթացքում հանցանքների կատարումը վկայող փաստերի հիման վրա՝ ՀՀ քրեական օրենսգրքի համապատասխան հոդվածներով հանրային քրեական հետապնդում է հարուցվել 15 անձի նկատմամբ, որոնցից 12-ի նկատմամբ որպես խափանման միջոց ընտրվել է կալանքը:

Անմիջապես դրանից հետո Բադասյանը լծվում է գործի և պարբերաբար տեղեկանում ենք, որ դիցուք՝ ՊԵԿ-ը կանխել է 122 տոննա քաշով վառելիքի անօրինական ներմուծումը, այնուհետև տեղեկություն է տարածվում, որ կանխվել է կեղծ փաստաթղթերով մեքենայի ներմուծումը, ինչպես նաև՝ կեղծ փաստաթղթերով որպես ԵԱՏՄ ապրանքի կարգավիճակ ունեցող բեռների ներմուծման դեպքեր, ամենաաղմկոտ բացահայտումը անշուշտ կապված էր Նոր Զովք սուպերմարկետների ցանցի հետ, դրան հաջորդել է Երևանում կեղծ դրոշմանիշերով արտադրված օղիների և կոնյակների արտադրության բացահայտումն ու կասեցումը, այնուհետև՝ մրգերի անվան տակ հագուստի ներմուծման դեպքերն և այլն:

Կարող ենք վստահորեն փաստել, որ ԱԱԾ բացահայտումներից հետո ՊԵԿ-ը այնքան բացահայտում է արել, որքան չէր արել ողջ նախորդ տարվա ընթացքում: Հետևաբար հարց է առաջանում՝ արդյո՞ք այս երկու իրադարձությունները միմյանց հետ փոխկապակցված չեն, հատկապես, երբ ԱԱԾ բացահայտումների ֆոնին մամուլը ակտիվորեն գրում էր Բադասյանի մոտալուտ հրաժարականի մասին, իսկ ահա ընդամենը օրեր առաջ նույն մամուլը հայտնեց, որ ՊԵԿ նախագահի հրաժարականի հարցը որոշ ժամանակով առկախվել է և նրան ժամանակ է տրվել շտկել իրավիճակը: Ի դեպ, ուշագրավ է, որ Ռուստամ Բադասյանը վերջին ասուլիսներից մեկի ընթացքում իրենից սլաքներն այսպես ասած՝ թեքելու փորձ կատարեց՝ հայտարարելով, որ ՊԵԿ համակարգում կոռուպցիոն բացահայտումների հիմնական դերակատարները մաքսային ոլորտից էին: Գաղտնիք չէ, որ մաքսային ոլորտը հեղափոխությունից հետո գտնվում էր ՊԵԿ նախագահի արդեն նախկին տեղակալ Շուշանիկ Ներսիսյանի կուռացիայի տակ: Վերջինս նախորդ տարի հրաժարական ներկայացրեց ՝ այդպես էլ չնշելով հեռանալու պատճառները, սակայն, որոշ աղբյուների պնդմամբ, պատճառը հենց կոռուպցիոն բացահայտումներն էին: Բադասյանն իր ասուլիսի ընթացքում չցանկացավ պատասխանել այն հարցին, թե արդյոք թալանված փողերով է Շուշանիկ Ներսիսյանն ԱՄՆ-ում տուն գնել, իսկ լռությունը, ինչպես գիտենք, հաճախ ավելի խոսուն պատասխան է:

Ակնհայտ է, որ Ռուստամ Բադասյանը զգում է վերահաս վտանգը և փորձում է պահպանել պաշտոնը՝ այն պարզ պատճառով, որ համակարգում կոռուպցիայի մեջ թաթախված բարձրաստիճան պաշտոնյա ունենալը «ճոխություն» է ցանկացած կառույցի համար: Այժմ վերջինս ակտիվացել է և փորձում  է ցույց տալ, որ լծվել  է կոռուպցիայի դեմ պայքարին, միևնույն ժամանակ բաց է մնում այն հարցը, թե ինչու նույն ջանասիրությամբ Բադասյանը չէր բացահայտում իր ղեկավարած կառույցում առկա կոռուպցիան և ինչու էր ԱԱԾ-ն ստիպված լինում մտնել ՊԵԿ...