Անահիտ Մանասյանի գլխավոր «փորձաքարը»

Իշխանությունների կողմից առաջադրված ՀՀ ՄԻՊ թեկնածուն՝ Անահիտ Մանասյանն, այսօր ԱԺ-ում հայտարարել է, որ պաշտոնյաների կողմից հնչեցված բռնության կոչերի և հրապարակավ հնչեցրած սպառնալիքների դեմ, անշուշտ, պետք է պայքարել: Դժվար է ասել՝ Մանասյանը պատրաստվում է լծվել այդ պայքարին, թե ոչ, սակայն, այն հանգամանքը, որ վերջինս ակնհայտորեն չի նկատել իր իսկ թիմակիցների կողմից հնչեցրած բռնության կոչերը, փաստ է: Եվ այսօր տիկին Մանասյանը չի էլ ցանկանում որևէ գնահատական հնչեցնել այդ հայտարարությունների մասով:

Դիցուք՝ Կենտրոն վարչական շրջանի նախկին ղեկավար Ավետ Պողոսյանը վստահ էր, որ Սասուն Միքայելյանը ԱԺ-ում հանուն Հայաստանի ինքնիշխանության է բռնություն գործադրել: 

Գեղարքունիքի մարզի Լիճք գյուղի միջնակարգ դպրոցի դաստիարակչական գծով փոխտնօրեն Աշոտ Հոխիկյանը, ով ֆեյսբուքյան գրառմամբ առաջարկել էր վարչապետի հրաժարականը պահանջողների ընտանիքներին մորթել: 

Նախորդ տարի Սիսիանի եկեղեցու քահանան հրաժարվել էր սեղմել Փաշինյանի ձեռքը և նրան դուրս էր հրավիրել եկեղեցուց, ինչից հետո Փաշինյանի տասնյակից ավելի աջակիցներ փորձել են Սիսիանի եկեղեցու վրա հարձակում գործել՝ քահանային հեռացնելու նպատակ ունենալով։ Այդ կոչերը հնչեցնողների շարքում էր նաև Արսեն Ավագյանը, ով Սիսիանի համայնքապետարանի պաշտոնյա է:

Վարդենիսի ավագանու առաջին նիստի ժամանակ ՔՊ-ական ավագանու անդամները սպառնում էին ջարդել համայնքապետարանի գլխավոր քարտուղար Ռաֆիկ Զարոյանի գլուխը, քանի որ արձանագրությունը կազմել էր և թույլ էր տվել, որ նիստը կայանա:

Նիկոլ Փաշինյանը կապիտուլյացիայի տակ ստորագրելուց հետո ակնհայտ բռնության կոչեր էր հնչեցնում այդ կապիտուլյացիայի դեմ արտահայտվող քաղաքացիների հասցեին, 

ԱԺ մարդու իրավունքների պաշտպանության եւ հանրային հարցերի մշտական հանձնաժողովի ապրիլի 4-ի նիստում ՄԻՊ թեկնածուների քննարկումը թեժ վեճերով է ուղեկցվել․ ընդդիմության թեկնածու Էդգար Ղազարյանը 2018թ․-ի հեղափոխությունն անվանել է «ադրբեջանաթուրքական գործընթաց»՝ պարզաբանելով, որ ոչ թե ժողովրդին նկատի ունի, այլ գործընթացի շահառուներին եւ հետեւանքները։ Իսկ ՔՊ-ականներից Արթուր Հովհաննիսյանը, Ռուստամ Բաքոյանը եւ այլք աչքի են ընկել «լեզուն կկտրեմ նրա, ով նման բան կասի», «անասուն», «կլոուն» եւ նմանօրինակ այլ արտահայտություններով։

Երևանի ավագանու «Իմ քայլը» խմբակցության անդամ Նուարդ Վարդանյանը դեռեւս 2019 թվականին իր ֆեյսբուքյան էջում գրառում էր արել, որտեղ սպառնացել էր «հատ–հատ ծամել բոլորի ականջները»։ Դեռ միայն տրամադրվում է:

Կունենա՞ արդյոք Անահիտ Մինասյանը այդքան կամք, որպեսզի ընտրվելու դեպքում հստակ գնահատականներ հնչեցնի վերը նշված դրվագների վերաբերյալ, ի վերջո հենց դա է ՄԻՊ գլխավոր գործառույթը՝ իրերը անվանել իրենց անունով, որովհետև միայն այդպես է հնարավոր պաշտպանել քաղաքացիների իրավունքները և պայքարել արդարության համար: