Ովքեր են կանխիկ ամենամեծ գումարները հայտարարագրած պաշտոնյաները

ԱԺ վերջին նստաշրջանում պատգամավորների կողմից կարծիքներ էին հնչել, որ պաշտոնյաների կողմից հայտարարագրված կանխիկ բավական մեծ գումարները պոտենցիալ կոռուպցիոն ռիսկ են իրենցից ներկայացնում: Այս առումով դժվար է չհամաձայնել սույն դիտարկման հետ, միայն թե ամբողջ հարցը կայանում է նրանում, որ ՔՊ-ականները փաստացի միայն խոսքի վրա են մտահոգվում, հակառակ դեպքում` արդեն իսկ ստուգումներ կիրականացվեին կանխիկ մեծ գումարներ հայտարարագրած պաշտոնյաների մասով: Իսկ ովքե՞ր են այդ պաշտոնյաները:

Դիցուք՝ ԱԺ պատգամավոր Գուրգեն Արսենյանի կողմից հայտարարագրված կանխիկ դրամը կազմել է 540,000.00 դրամ, 540,000.00 ԱՄՆ դոլար և 2000 եվրո:

Ջերմուկի համայնքապետ Վահագն Արսենյանը հայտարարագրել է 2,000,000.00 ԱՄՆ դոլարի, 12,000,000.00 ՀՀ դրամի, 435,000.00 եվրոյի, 5,000,000.00 ռուբլու համարժեք կանխիկ գումար:

Հաշվեքննիչ պալատի նախագահ Ատոմ Ջանջուղազյանի կողմից հայտարարագրվել է 5,000,000.00 դրամի, 20,000.00 ԱՄՆ դոլարի և 15,000.00 եվրոյի կանխիկ գումար:

Էկոնոմիկայի փոխնախարար Անի Իսպիրյանի հայտարարագրած կանխիկ գումարը կազմել է ՝ 8,000.00 դրամ և 100,000.00 ռուբլի:

Հակակոռուպցիոն կոմիտեի նախագահ Սասուն Խաչատրյանը հայտարարագրել է 23,900,000.00 դրամի կանխիկ գումար:

Էկոնոմիկայի մյուս փոխնախարար նարեկ Տերյանի հայտարարագրած կանխիկ գումարը կազմել է 282,500.00 դրամ և 1,500,000.00 ռուսական ռուբլի: 

Աշխատանքի և սոցիալական հարցերի նախարարի տեղակալ Դավիթ Խաչատրյանը հայտարարագրել է  13,420,000.00 դրամ, 14,600.00 ԱՄՆ դոլար և 2,800.00 եվրո:

Աշտարակի համայնքապետի տեղակալ Շանթ Վահանյանը հայտարարագրել է կանխիկ 4,650,000.00 դրամ, 13,250.00 դոլար և 3,600.00 եվրո:

ՊՎԾ պետ Ռոմանոս Պետրոսյանի հայտարարագրած կանխիկ գումարը կազմել է 5,350,000.00 դրամ:

ԱԺ նախագահի տեղակալ Հակոբ Արշակյանի 2020 թվականի հայտարարագրում նշվում է,որ տարվա սկզբին առկա կանխիկ գումարը կազմել է 25,000,000.00 ՀՀ դրամ:

Եթե իշխանություններն իսկապես համարում են, որ կանխիկ հսկայական գումարներ հայտարարագրելն իր մեջ կոռուպցիոն ռիսկ է պարունակում, ապա կարող են սկսել հենց իրենց իսկ թիմակիցների հայտարարագրերը մանրակրկիտ ուսումնասիրելուց...