ՔՊ-ականներին թույլատրվո՞ւմ է այն, ինչը արգելվում էր ՀՀԿ-ականներին. Փաշինյանի «կարճ հիշողությունը»

ԱԺ էթիկայի հանձնաժողովի ստեղծումը կարելի է համարել հայկական պառլամենտարիզմի զարգացման ժամանակակից փուլի առանցքային ձեռքբերումներից մեկը: Եվ այդ ձեռքբերման մեջ զգալի ներդրում է ունեցել այն ժամանակվա ընդդիմությունը, այդ թվում՝ ներկայիս վարչապետ Նիկոլ Փաշինյանը, ով 2012-ին անգամ ղեկավարել է այդ հանձնաժողովը: Ընդդիմությունը, իհարկե, բողոքում էր, որ հանրապետական պատգամավորների պահվածքը չի արժանանում էթիկայի հանձնաժողովի ուշադրությանը: Հիշենք թեկուզ Փաշինյան-Գեղամյան հայտնի բախումը, որից հետո հանրապետականները պահեցին յուրայինին:

Այն ժամանակվա ընդդիմությունը պահանջում էր էթիկայի հանձնաժողովից պատժել նաև Մհեր Սեդրակյանին, ով անվայելուչ պահվածք էր դրսևորել լրագրողների հարցերին պատասխանելիս․

Ընդդիմության պահանջով էթիկայի հանձնաժողովը քննել էր նաև պատգամավոր Առաքել Մովսիսյանի վարքը․

Փաշինյանը այն ժամանակ պահանջում էր էթիկայի հանձնաժողովում քննել նաև Սամվել Ալեքսանյանի պահվածքը․

Մինչդեռ, գալով իշխանության, Նիկոլ Փաշինյանն ու իր թիմն իրենք են արդեն օրենքին և էթիկայի նորմերին հակասող վարքագիծ դրսևորում խորհրդարանում: Բայց ի տարբերություն այն ժամանակվա՝ այսօր նրանք նույն ժրաջանությամբ էթիկայի հանձնաժողովներ չեն ստեղծում և թիմակիցներին էլ այնտեղ չեն հրավիրում: Մինչդեռ առիթները քիչ չեն: Նիկոլ Փաշինյանը կապիտուլյացիայի տակ ստորագրելուց հետո ակնհայտ բռնության կոչեր էր հնչեցնում այդ կապիտուլյացիայի դեմ արտահայտվող քաղաքացիների հասցեին․

ԱԺ մարդու իրավունքների պաշտպանության եւ հանրային հարցերի մշտական հանձնաժողովի ապրիլի 4-ի նիստում ՄԻՊ թեկնածուների քննարկումը թեժ վեճերով է ուղեկցվել․ ընդդիմության թեկնածու Էդգար Ղազարյանը 2018թ․-ի հեղափոխությունն անվանել է «ադրբեջանաթուրքական գործընթաց»՝ պարզաբանելով, որ ոչ թե ժողովրդին նկատի ունի, այլ գործընթացի շահառուներին եւ հետեւանքները։ Իսկ ՔՊ-ականներից Արթուր Հովհաննիսյանը, Ռուստամ Բաքոյանը եւ այլք աչքի են ընկել «լեզուն կկտրեմ նրա, ով նման բան կասի», «անասուն», «կլոուն» եւ նմանօրինակ այլ արտահայտություններով։

Սիսակ Գաբրիելյանը բռունցքներով հարձակվում էր ցուցարարների վրա․

Վահե Ղալումյանը զանգվածային ծեծկռտուքի ժամանակ թիկունքից հարվածում էր ընդդիմադիր պատգամավորին․

Քրիստինե Պողոսյանը վիրավորում էր լրագրողներին և փորձում հարվածել․

Ստացվում է պարզ եզրահանգում՝ ՔՊ-ականներին կարելի է այն, ինչը արգելվում էր ՀՀԿ-ականներին: Ինչպես ասում են՝ իրավիճակ է փոխվել....