Իրանը կոչ է արել վերջ տալ Գազայի շրջափակմանը

Իրանի նախագահ Էբրահիմ Ռաիսին կոչ է արել հնարավորինս արագ վերացնել Գազայի հատվածի շրջափակումը, այդ թվում՝ բացելով Ռաֆահի անցակետը։ Այս մասին հայտնում է ՏԱՍՍ-ը։

Իրանի ղեկավարի խոսքով՝ նշված անցակետը պետք է բացվի առանց նախնական սահմանափակումների ու պայմանների։

Նախկինում Ռաիսին հերքել էր այն մեղադրանքները, թե Թեհրանն է կանգնած Իսրայելի վրա ՀԱՄԱՍ-ի հարձակման հետևում։ Նրա խոսքով՝ Պաղեստինում եւ Մերձավոր Արեւելքում դիմադրությունն ու նրա աջակիցներն անկախ են։