Աբու Դաբիում տեղի կունենա Michelin Guide երկրորդ խոհարարական փառատոնը Ջեյմս Բոնդի երկրպագուները կարող են համալրել իրենց հավաքածուն գործակալ 007-ի Aston Martin DB5 ոսկեզօծ մեքենայով 86-ամյա Ջեյն Ֆոնդան փայլել է Փարիզի Նորաձևության շաբաթվա պոդիումում (լուսանկարներ) Իրանի հետ միջուկային գործարքն առանց Վաշինգտոնի հնարավոր չէ. Գրոսի Սփյուռքից ավելի քան 35 սփյուռքահայ ստարտափերներ Հայաստան են ժամանել՝ իրենց բիզնեսը ներկայացնելու. Հայրապետյան Իսպանիայում մրցավազքի ժամանակ փախած ցուլը մարդ է սպանել Բայդենն ասել է, որ Մերձավոր Արևելքում հնարավոր է գտնել դիվանագիտական լուծում Նիկոլ Փաշինյանը մասնակցել է «Սինթետիկ թմրամիջոցների վտանգների հասցեագրման գլոբալ կոալիցիա» խորագրով գագաթնաժողովին Նիկո՛լ, Կիպրոսի նախագահին հանդիպել ես, որ ի՞նչ անես. Էդուարդ Շարմազանով Երևանում Հնդկաստանի քաղաքացին ավազակային հարձակման է ենթարկվել Սեպտեմբերի 29-ից երկնքում կհայտնվի «երկրորդ լուսինը» Ժամանակն է զինել հայկական բանակը, այլապես Կովկասում կտեսնենք ոչ թե խաղաղություն, այլ պատերազմ․ Շերման 

«Մա՛մ, վախենում եմ, որ իմ կյանքի երազանքները չկատարվեն». Արայիկ Բաղդասարյանն անմահացել է 2020 թ. հոկտեմբերի 3-ին, ամփոփվել Եռաբլուրում 2,5 տարի անց. «Փաստ»

Հայկական Մամուլ

«Փաստ» օրաթերթը գրում է.

«Արայիկը հրաշք բալա էր, այնպես չէ, որ իմն է, այդպես եմ ասում: Շատ համեստ էր, ազնիվ: Եթե առիթ լինի, ու թեկուզ մեր հարևանների հետ զրուցեք, բոլորը միաբերան նույնը կասեն: Փոքր ժամանակ բակում խաղալիս, երբ տեսնում էր, որ հարևաններից մեկը շուկայից ծանր տոպրակներով տուն է գալիս, իր խաղը թողնում էր և օգնում տոպրակները տուն հասցնել: Նույնն էլ՝ ավելի հասուն տարիքում, անգամ աշխատանքի գնալիս կշրջվեր, որ օգներ մարդուն իր ծանր տոպրակները տուն հասցնել: Երբ իրեն հուղարկավորեցինք, մեր հարևան կանայք ասում էին՝ ոնց էինք սպասում, որ հրաշք բալան տուն է գալու, այդ երեխեքին Աստված պետք է պահեր, նրանց բան չպետք է լիներ: Դպրոցում էլ միջոցառում էին կազմակերպել, իր դասարանի տղաներն ու աղջիկները մասնակցում էին, բոլորն Արայիկի նույն հատկանիշներն էին մատնանշում: Շատ բաներ կային, որ չգիտեի: Ընկերներն ասում են՝ կատակներ շատ էր անում: Մի օր հարցրել են, թե՝ Արո՛, մեծանաս, ո՞վ ես դառնալու: Ու պատմում են՝ տետրերի հետևամասում մարտի դաշտ էր նկարում, կռվում էին զինվորները, մի կողմում էլ տանկեր էին: Նույն սովորությունն ուներ նաև մանկության տարիներին: Իրեն ասում էի՝ հյուրասենյակում խաղա, մինչև ընթրիքը պատրաստեմ, գալիս էի, տեսնում, որ մի կողմում զինվորիկներին էր դասավորել, մյուս կողմում էլ, որ խաղալիքները չէին հերիքում, կոճակներ էր շարում՝ որպես զինվոր, և մարտի մեջ մտնում: Խաղում էր, վերջացնում, կոճակները խնամքով հավաքում տուփի մեջ: Շատ կոկիկ էր, ուրիշ էր իմ բալեն»,-«Փաստի» հետ զրույցում ասում է տիկին Գոհարը՝ Արայիկի մայրիկը:

Դպրոցական տարիներին Արայիկը մի շրջան մաթեմատիկա է պարապել: Պոլիտեխնիկի քոլեջ է ընդունվել, այն ավարտել և զորակոչվել պարտադիր զինվորական ծառայության: Ծառայել է Քարվաճառում, մասնակցել Քառօրյա պատերազմին: «Վերադառնալուց հետո կարող էր համալսարանի երկրորդ կուրս ընդունվել, բայց չցանկացավ, ասաց, որ ուրիշ պլաններ ունի: Չհակադրվեցինք իր որոշմանը: Ամեն ինչ սիրում էր ինքնուրույն անել: Մի դրվագ պատմեմ: Իր ավագ եղբայրը մինչև բանակ գնալն անընդհատ ինձ ասում էր՝ դու ինձ համար կիթառ չգնեցիր: Եղբայրը գնաց բանակ, իսկ Արայիկն իններորդ դասարանում էր սովորում: Ձմռանն ասաց, որ գնում է աշխատելու, զարմացա՝ ինչի՞դ է պետք: «Պետք է»: Արձակուրդների ժամանակ աշխատեց, եղբոր համար կիթառ գնեց: Եղբայրն ավարտեց զինծառայությունն ու տուն եկավ. «Վարդգե՛ս ապեր, քո համար կիթառ եմ գնել, որ նվագել սովորես»: Բայց եղբայրը սկսել էր գերմաներենով հետաքրքրվել: Այդ ժամանակ Արայիկն ինքնուրույն կիթառ նվագել սովորեց, այնքան էլ լավ էր նվագում, զգացմունքային:

Պատերազմից երևի երկու ամիս առաջ իր կիթառն աթոռի վրայից ընկավ ու կոտրվեց, իրեն ասացի՝ ոչինչ, նորը կգնենք: Մի օր խոհանոցում նստած էի, մեր տան երկրորդ հարկի աստիճաններն իջնում են դեպի խոհանոց, Արայիկը կանգնեց աստիճանների կեսին ու ասաց. «Մա՛մ, վախենում եմ, որ իմ կյանքի երազանքները չկատարվեն»: Բարկացա, ասացի, որ էլ երբեք նման բան չասի. «Ամեն ինչ ունես, ամենակարևորը՝ ընտանիք ունես, որն ամեն հարցով քո կողքին է»: Բարկացա ու թույլ չտվեցի, որ էլի ինչ-որ բան ասի այդ թեմայով, բայց նաև չհարցրեցի, թե ինչո՞ւ է նման բան ասում: Երա՞զ էր տեսել, թե՞ կանխազգացում էր, գուցե շատ բան գիտեր: Հիմա այդ հարցի պատասխանը չեմ իմանա»: Բանակից վերադառնալուց հետո Արայիկը խոհարարությամբ էր զբաղվում, մայրիկի խոսքով, ամեն ինչ ինքնուրույն էր սովորում, նպատակը սեփական ռեստորան ունենալն էր: Նաև ինքնուրույն սկսել էր ծրագրավորում ուսումնասիրել: Բայց սեպտեմբերի 27- ին սկսված պատերազմը տակնուվրա արեց բոլորիս կյանքը: Արայիկը կամավոր մեկնեց պատերազմ:

«Սեպտեմբերի 27-ի առավոտյան աշխատանքի գնացի, Արայիկն էլ աշխատանքից նախորդ օրն ուշ էր վերադարձել տուն: Աշխատանքի վայրից զանգեցի իրեն ու հայտնեցի պատերազմի լուրը: Էլ ոչինչ չխոսեցինք: Եկա տուն, ինքն արդեն աշխատանքի էր գնացել: Երեկոյան եկավ, պատերազմի թեմայից չխոսեցինք: Սեպտեմբերի 28-ին կրկին աշխատանքի գնացի, մեծ աղջիկս զանգեց՝ մա՛մ, տղեդ գնում է: Զանգեցի Արայիկին, ասաց, որ աշխատանքի է գնում: Եվ, իրոք, գնացել էր իր աշխատավայր, իր դանակը, գոգնոցը վերցրել, բերել տուն ու գնացել: Մի պահ մեր զանգերին չէր պատասխանում: Իմ զանգին պատասխանեց այն ժամանակ, երբ արդեն աշխատանքից տուն էի գալիս: Դավթաշենում էի աշխատում, մի ընտանիքում դայակ էի: Այդ շենքի դիմացը Սրբոց Նահատակաց եկեղեցին է: Տուն էի գալիս, Արայիկին զանգահարեցի, այդ պահին Արայիկը եկեղեցում է եղել, դա հետո իր ընկերներն են ասել:

«Մա՛մ, ի՞նչ է եղել»: «Ո՞ւր ես բալես, ուզում եմ քեզ տեսնել»: Արայիկն ասաց, որ տուն գնամ, կզանգի ինձ: Այդ ժամանակ հանդիպել է տղաների հետ, որոնք բժիշկներ էին, օգնություն էին տանում մարտի դաշտ, և նրանց հետ մեկնել է: Դրանից առաջ տարբեր տեղեր է գնացել, որ կամավորագրվի, բայց իրեն ասել են, որ սպասի, կզանգեն: Նա էլ իր ծառայակից բժիշկ ընկերներից մեկի հետ է կապվել և նրանց խմբի հետ մեկնել»: Մայրիկը պատմում է, որ տղաները օգնություն են հասցրել մարտի դաշտ, վիրավորներին տեղափոխել: «Գիշերել են Շուշիում գտնվող Դուշման Վարդանի թանգարանում: Երբ դուրս են եկել թանգարանից, երևի հինգ րոպե հետո այն պայթեցրել են:

Տղաները ողջ են մնացել»: Արայիկն անմահացել է հոկտեմբերի 3-ի լուսադեմին Ջրականում: Ասում են, որ տղաները դիմահար մարտի են բռնվել թշնամու զինվորների հետ, անգամ ձեռնամարտի մեջ մտել: Տղաների ծնողները, ընտանիքի անդամներն իրենց որդիներին փնտրելու ժամանակ, պատերազմի ավարտից հետո «գտել» են իրար, մտերմացել, մեկ ընտանիք դարձել և այս ընթացքում մասունք առ մասունք հավաքել նաև իրենց որդիների մասին ունեցած տեղեկությունները, համադրել դրանք և փորձել մեկ ընդհանուր պատկեր ստանալ այդ օրերի մասին: Տիկին Գոհարը նաև պաշտպանական գերատեսչությանն է դիմել՝ պարզելու որդու զոհվելու հանգամանքները, տրամադրելու իրեն նրա մարտական ուղին: Բազում անպատասխան հարցեր ունի: Արայիկի «վերադարձը» տուն շատ երկար է տևել:

ԴՆԹ հետազոտություններ ոչ միայն Հայաստանում, այլև արտերկրում: Մի քանի անգամ հետազոտությունները հերքում են, որ մասունքն Արայիկինն է: Արայիկի եղբայրը այն տանում է Գերմանիա, վերադառնում Հայաստան և մայրիկին հայտնում լուրը: 2023 թ.-ի մայիսին Արայիկն արդեն զինվորական պանթեոնում էր: «Բայց մինչև հիմա չեմ հավատում: Հույսով լցված եմ եղել, որ որդիս ողջ է»: Արայիկը ընտանիքի վեցերորդ՝ ամենափոքր երեխան է: Երբ տիկին Գոհարին հարցնում եմ, թե ի՞նչն է ուժ տալիս Արայիկի ֆիզիկական բացակայությունից հետո, արձագանքում է՝ վրեժը: «Իմ որդու գործն է ուժ տալիս, թե ինչ նպատակով էր նա պատերազմ գնացել: Իմ տղան չէր գնացել կռվելու ուրիշի հողի համար, նա պատմական փաստերով ամեն ինչ գիտեր, անգամ մեր տարիքով բարեկամներից հետաքրքրվում էր, թե որտեղից են մեր արմատները, գրառումներ ուներ: Բազմաթիվ անպատասխան հարցեր, որոնց պատասխանն Աստված կտա»:

Հ. Գ. -Արայիկ Բաղդասարյանը հետմահու պարգևատրվել է «Մարտական ծառայություն» մեդալով: Հուղարկավորվել է Եռաբլուրում:

ԼՈՒՍԻՆԵ ԱՌԱՔԵԼՅԱՆ

Հետևե՛ք -ին Youtube-ում`
Աբու Դաբիում տեղի կունենա Michelin Guide երկրորդ խոհարարական փառատոնըՋեյմս Բոնդի երկրպագուները կարող են համալրել իրենց հավաքածուն գործակալ 007-ի Aston Martin DB5 ոսկեզօծ մեքենայով86-ամյա Ջեյն Ֆոնդան փայլել է Փարիզի Նորաձևության շաբաթվա պոդիումում (լուսանկարներ)Իրանի հետ միջուկային գործարքն առանց Վաշինգտոնի հնարավոր չէ. ԳրոսիՍփյուռքից ավելի քան 35 սփյուռքահայ ստարտափերներ Հայաստան են ժամանել՝ իրենց բիզնեսը ներկայացնելու. ՀայրապետյանԻսպանիայում մրցավազքի ժամանակ փախած ցուլը մարդ է սպանելԲայդենն ասել է, որ Մերձավոր Արևելքում հնարավոր է գտնել դիվանագիտական լուծումՆիկոլ Փաշինյանը մասնակցել է «Սինթետիկ թմրամիջոցների վտանգների հասցեագրման գլոբալ կոալիցիա» խորագրով գագաթնաժողովինՆիկո՛լ, Կիպրոսի նախագահին հանդիպել ես, որ ի՞նչ անես. Էդուարդ ՇարմազանովԵրևանում Հնդկաստանի քաղաքացին ավազակային հարձակման է ենթարկվելՍեպտեմբերի 29-ից երկնքում կհայտնվի «երկրորդ լուսինը»Ժամանակն է զինել հայկական բանակը, այլապես Կովկասում կտեսնենք ոչ թե խաղաղություն, այլ պատերազմ․ ՇերմանԵ՛ւ ՀՀ-ում, և՛ Ուկրաինայում ժողովրդավարությունը ամենօրյա ջանք է, որին ձգտում են մեր ժողովուրդներըԿիպրոսի պաշտպանության նախարարը ժամանել է ՀայաստանՆիկոլը խաղաղություն է բերում․․․ Արցախում արդեն լիարժեք խաղաղություն է տիրում․ Հրապարակ«Զարգացնում ենք սցենարը՝ քննարկելով այն բժիշկների, 44-օրյայի մասնակիցների հետ». Ջիվան Ավետիսյան (լուսանկարներ)Հայաստանում եկամուտ ստացող աշխատատեղերի թվաքանակն աճել է «Հո՛պ, կուլ տվեց նա որդը, կարթը մնաց կոկորդը» օպերացիայի արդյունքում հայտնաբերվել է թմրանյութ Հաճախ պարտության ցավին ավելի հեշտ է դիմանալը, քան հաղթանակի փառքին․ Նազիկ ԱվդալյանԻնչ իրավիճակ է աղետից տուժած ԼոռիումԱստղիկ Ալավերդյանը կրկնել է արքայադուստր Դիանայի ոճային կերպարները (տեսանյութ)Ադրբեջանն ու Ղազախստանը ռազմական համագործակցության պլան են ստորագրել«Գլուխ գովել չլինի, հոտընկայս օվացիաների արժանացանք». Հայկ Պետրոսյանը՝ «Merci Charles» համերգի առաջին փուլի մասինՔանի՞ տեսակ զենք է արտադրում Ադրբեջանը․ Ալիևը կրկին պարծեցել էԳլխավոր դատախազությունը ուսումնասիրել է «Հայաստանի գրողների միություն» և «Հայաստան նկարիչների միություն» ՀԿ-ին պատկանող անշարժ գույքերի կադաստրային գործերըՍևանա լիճը դառնալու է համատեղ օգտագործման, հայ-ադրբեջանական սահմանը անցնելու է Սևանի մեջտեղով. Ադիբեկյան (տեսանյութ)ՄԱԿ է գնացել՝ հեծանվի հայտնագործության գյուտով․ Կարևորը «պոզիտիվ» մտածելն է․ Պատգամավորը՝ Փաշինյանի ելույթի մասինԷրդողանն ասել է, որ Նեթանյահուին պետք է կանգնեցնել, ինչպես դա արեցին Հիտլերի հետՆիկոլ Փաշինյանն այսօր Նյու Յորքում կունենա մի շարք երկկողմ հանդիպումներՌուսական զորքերը գրավել են ռազմավարական նշանակություն ունեցող ամրությունըԱրցախում օկուպացված է 1456 պատմական հուշարձան․ Ադրբեջանը վնաս է հասցրել ՀՀ մշակութային ժառանգությանըՀՀ վարչապետը և Կիպրոսի նախագահը քննարկել են Հայաստան-Եվրոպական միություն համագործակցությունըՀոկտեմբերին Ժնևում կհանդիպեն ՀՀ ԱԺ նախագահը և Ադրբեջանի Միլի մեջլիսի նախագահըԴպրոցի անձնակազմը հոգեբանի կարիք ունի, իմ աղջկան են ասում ագրեսիվ․կոմայի մեջ գտնվող աղջնակի հայր Թուրքիան աջակցում է Հայաստանի և Ադրբեջանի միջև երկխոսությանը․ ԷրդողանԻսրայելը հարված է հասցրել ԲեյրութինՄաքսային հսկողությունից թաքցվել էր ընդհանուր 303.500 տուփ՝ 6.070.000 հատ ծխախոտԸստ սցենարի՝ երկրաշարժի հետևանքով Ախուրյանի ջրամբարի պատվարին առաջացել է ճեղք. ուսումնավարժությունԹրամփի ու Զելենսկու հանդիպումը չի կայացել․ ո՞րն է պատճառըՎանաձոր-Ալավերդի ավտոճանապարհին քարաթափման աշխատանքներ կիրականացվեն Կադրային փոխատեղում՝ ՀՀ քննչական կոմիտեումԸնդդիմադիրները արցախցիների հանդեպ խտրական վերաբերմունքի դեմ պայքար են սկսում․ Գեղամ ՍտեփանյանՆոյեմբերի 10-ից ԵՄ-ն փոխում է սահմանի հատման կարգըԹուրքական զուգարանի թուղթ եւ ներքնաշոր՝ ՔՊ-ական պատգամավորին. (տեսանյութ)Մայր Տաճարի վերաօծմանը հաջորդող շաբաթվա բոլոր օրերին Մայր Տաճարում կմատուցվի Սուրբ և Անմահ ՊատարագՓակ է լինելու Մալյան փ.-Գայի պ. խաչմերուկից մինչև Մալյան փ.-Խուդյակովի փ. խաչմերուկն ընկած հատվածըՄայր Տաճարի վերաօծման արարողություններին իշխանության ներկայացուցիչները մասնակցելու ենՀՀ ՔԿ-ն և Հայ-ռուսական համալսարանը ստորագրել են գիտության և կրթության ոլորտում համագործակցության հուշագիրՊետք է պատրաստվենք պատերազմի. ԼուկաշենկոՏեսչականն ու Հարկադիրը կապարակնքում են «Կեչառիս» հյուրանոցը՝ հանգստացողներին թողնելով դրսում (տեսանյութ)
Ամենադիտված