Թուրքիան ողջունել է Հայաստանի տարածքների հանձնումը Ադրբեջանին

Թուրքիայի ԱԳՆ-ն ողջունում է 2024 թվականի ապրիլի 19-ին Հայաստանի և Ադրբեջանի սահմանազատման հանձնաժողովների նիստում ձեռք բերված պայմանավորվածությունը։ Այս մասին ասվում է Թուրքիայի ԱԳՆ տարածած հայտարարության մեջ։

«Մենք ուրախությամբ ողջունում ենք 2024 թվականի ապրիլի 19-ին ձեռք բերված պայմանավորվածությունը 4 գյուղը Ադրբեջանին հանձնելու և սահմանազատման աշխատանքների շարունակման վերաբերյալ։ Ուղղակի բանակցությունների միջոցով ձեռք բերված այս դրական զարգացումը կարևոր քայլ է խաղաղության վերջնական համաձայնագրի ստորագրման ուղղությամբ»,-ասվում է տեքստում։