Կառավարությունը կընդունի Ագրարային համալսարանի 5 դեկանի
Հասարակություն
Նախնական պայմանավորվածությամբ մեր 5 գործընկերներ հրավիրվում են Կառավարության շենք՝ քննարկման։ Այս մասին այսօր՝ հոկտեմբերի 31-ին, ասացին Ագրարային համալսարանի դասախոսները, որոնք այս պահին բողոքի ակցիա են իրականացնում կառավարության շենքի դիմաց։
«Մենք պետք է ներկայացնենք մեր խնդրո առարկան, Ագրարային համալսարանի ողջ աշխատակազմի մտահոգությունները և միևնույն ժամանակ փոխանցելու ենք մեր գրությունը։ 5 ֆակուլտետների դեկաններ կմտնեն Կառավարության շենք՝ քննարկման մասնակցելու։ Չգիտենք՝ ում հետ է լինելու հանդիպումը, հույս ունենք, որ կլինեն այնպիսի քաղաքական այրեր, որոնք կհասկանան ու կընդունեն մեր դիրքորոշումը և կտան դրական եզրակացություն»,- ասաց բողոքի ակցիայի մասնակիցը։
Նշենք, որ Հայաստանի ազգային ագրարային համալսարանի աշխատակազմը բողոքում է կառավարության այն որոշման նախագծից, որի համաձայն համալսարանի երկրորդ մասնաշենքը Հայաստանում ֆրանսիական համալսարանին հանձնելու մասին կառավարության որոշման նախագիծը:
Ամենադիտված 
Հարյուրավոր հասցեներում գազ չի լինի՝ հոկտեմբերի 28-ին, 29-ին, 30-ին և 31-ին
