Եկել է ՀՀ–ՌԴ հարաբերություններում առկա թյուրիմացություններից ազատվելու ժամանակը. Արսենյան

Դաշնային խորհրդի պաշտպանության և անվտանգության կոմիտեի նախագահ Վլադիմիր Բուլավինը հանդիպում է ունեցել Ռուսաստանի Դաշնությունում Հայաստանի Հանրապետության արտակարգ և լիազոր դեսպան Գուրգեն Արսենյանի հետ։ Զրույցին մասնակցել են Դաշնության խորհրդի պաշտպանության և անվտանգության կոմիտեի նախագահի առաջին տեղակալ Վիկտոր Բոնդարևը և Դաշնության խորհրդի կոմիտեի անդամ Ղրիմ Կազանոկովը։

Ինչպես նշել է Բուլավինը, երկու դարերի ընթացքում ստեղծվել է ամուր հիմք, որի վրա կառուցվում են Ռուսաստանի ու Հայաստանի հարաբերությունները փոխգործակցության տարբեր ոլորտներում։

«Մենք շահագրգռված ենք, որ հարաբերությունները զարգանան դաշնակցային ճանապարհով։ Մենք համոզված ենք, որ միջխորհրդարանական փոխգործակցությունը պետք է զգալի ներդրում ունենա այս գործընթացում»,- նշել է սենատորը։

Գուրգեն Արսենյանի խոսքով՝ եկել է երկկողմ հարաբերություններից թյուրիմացության տարրերը հեռացնելու ժամանակը։