Տարածաշրջանում տարածվող իսրայելական ագրեսիան վտանգ է համաշխարհային խաղաղության համար․ Էրդողան

Թուրքիայի նախագահ Ռեջեփ Թայիփ Էրդողանը ուրբաթ օրը Ստամբուլում Իրաքի վարչապետ Մուհամեդ Շիա ալ-Սուդանիի հետ բանակցությունների ժամանակ կոչ է արել Մերձավոր Արևելքի երկրներին համերաշխություն ցուցաբերել Իսրայելի գործողությունների առնչությամբ։ Այս մասին գրում է ՌԻԱ Նովոստին։ 

Էրդողանը շաբաթ օրը Ստամբուլի Վահդեթին առանձնատանը ընդունել է Մուհամեդ Շիա ալ-Սուդանիին։ Ընդունելության ընթացքում քննարկվել են Թուրքիայի և Իրաքի երկկողմ հարաբերությունները, տարածաշրջանային և գլոբալ հարցեր։

Հանդիպման ժամանակ նախագահ Էրդողանը հայտարարել է, որ Թուրքիան և Իրաքը երկու հարևան երկրներ են, որոնք ունեն պատմական և մշակութային խորը կապեր, և որ հարաբերությունների բարելավումն ու համագործակցության հնարավորություններից օգտվելը բազմաթիվ օգուտներ կբերի երկու երկրներին։

«Կշարունակենք վճռականորեն ձեռնարկել անհրաժեշտ քայլերը դրան հասնելու համար։ Տարածաշրջանում տարածվող իսրայելական ագրեսիան վտանգ է ներկայացնում ինչպես տարածաշրջանային, այնպես էլ համաշխարհային խաղաղության համար, և որ միջազգային հանրությունը, հատկապես տարածաշրջանի երկրները, պետք է համերաշխ գործեն՝ դա կանխելու և խաղաղություն ու հանգստություն ապահովելու համար։ Թուրքիան կշարունակի իր ջանքերը՝ հանուն խաղաղության»,-  ասել է նա: