Բաքուն COP29-ը կօգտագործի որպես սքողում՝ իր շահերն առաջ տանելու համար. Transparency International

Բաքվում կլիմայի գագաթնաժողովը գտնվում է հանածո վառելիքի օգտին օրակարգն առաջ մղելու համար օգտագործվելու բարձր ռիսկի տակ: 

Transparency International-ի և Anti - Corruption Data Collective-ի զեկույցում ասվում է․ «Կոռուպցիայի դեմ պայքարի հուսալի միջոցների բացակայությունը լուրջ բացթողում է, անկախ նրանից, թե որ երկիրն է ընդունում COP-ը, և Ադրբեջանում COP29 կազմակերպությունը ցույց է տալիս խնդրի մասշտաբները։

Ադրբեջանական ռեժիմը, նավթային և գազային ընկերությունները և լոբբիստները ձեռք ձեռքի տված աշխատել են COP29-ից առաջ՝ կորպորատիվ ազդեցություն ունենալու համար:  Մեծ հավանականություն կա, որ Ադրբեջանի կառավարությունը գագաթաժողովը կօգտագործի որպես դիվանագիտական շղարշ նավթի և գազի ոլորտում իր ներքին շահերն առաջ մղելու և հանածո վառելիքի նոր գործարքներ կնքելու համար: Սա ոչ միայն վտանգում է գլոբալ կլիմայական դիվանագիտության ամբողջականությունը, այլև խաթարում է Փարիզի համաձայնագրի կլիմայական նպատակների առաջընթացը»։