Իրանի ազգային անվտանգության խորհուրդը որոշել է պատասխանել Իսրայելին
Իրանի ազգային անվտանգության բարձրագույն խորհուրդը որոշել է Իսրայելին ռազմական պատասխան տալ հոկտեմբերի 26-ի հարվածի համար։ Ինչպես տեղեկացնում է «Արմենպրես»-ը՝ այդ մասին Didban Iran-ին տված հարցազրույցում ասել է Իրանի խորհրդարանի Ազգային անվտանգության հանձնաժողովի անդամ Էսմայիլ Քոսարին։
«Որոշ պետական պաշտոնյաներ կարող են ասել, որ մենք չենք պատասխանի Իսրայելին, բայց այդ մարդիկ կառավարության ներսում և դրսում որոշումներ չեն կայացնում»,-ասել է Քոսարին:
Նա զգուշացրել է, որ Իսրայելին Իրանի ռազմական պատասխանը շատ ավելի հզոր կլինի, քան բոլոր նախորդները։
Ավելի վաղ Իրանի հոգևոր առաջնորդ Ալի Խամենեին հայտարարել էր, որ Թել Ավիվը և Վաշինգտոնը պատասխան կստանան Իրանի և դիմադրության ճակատի դեմ իրենց գործողությունների համար։
«Թշնամիները՝ լինի դա Իսրայելի ռեժիմը, թե Միացյալ Նահանգները, անպայման կստանան ջախջախիչ պատասխան այն ամենի համար, ինչ նրանք անում են Իրանի, իրանական ազգի և դիմադրության ճակատի նկատմամբ»,-ասել էր Խամենեին։
Ամենադիտված 
Հարյուրավոր հասցեներում գազ չի լինի՝ հոկտեմբերի 28-ին, 29-ին, 30-ին և 31-ին
