Այսօր համացանցում է հայտնվել Արմեն Աշոտյանի ավատարը. հայտարարություն

Արմեն Աշոտյանի աջակիցները հայտարարություն են տարածել որում ասվում է.

 

«Այսօր համացանցում է հայտնվել ՀՀԿ փոխնախագահ, քաղբանտարկյալ Արմեն Աշոտյանի ավատարը, որ ստեղծվել է Արհեստական բանականության միջոցով։

 

Ինչպես հայտնի է, Աշոտյանը 15 ամսվա ազատազրկումից հետո շարունակում է ենթարկվել  քաղաքական հետապնդման եւ այժմ գտնվում է տնային կալանքի ռեժիմում։

 

Դատավորի դրած արհեստական սահմանափակումների պատճառով Աշոտյանը զրկված է զլմների հետ ուղիղ աշխատելու հնարավորությունից՝ բացի դատարանի նիստերի դահլիճում ոտքի վրա կարճ շփումից։

 

Ուստի ավատարի միջոցով Աշոտյանի համակիրները փորձելու են որոշակի այլընտրանքային կոմունիկացիայի հնարավորություն ստեղծել հասարակության հետ։

 

Ի դեպ, սա մեզ հայտնի առաջին դեպքն է, երբ Հայաստանում քաղաքական գործունեության համար գործիչները մարմնավորվում են ավատարով»։