«Աղբյուրակ» մարզամշակութային ՀԿ-ն աջակցում է Արմեն Մելքիբեկյանին

«Փյունիկ», «Ուրարտու» և «Շիրակ» ակումբները հայտարարել են երկրպագուների՝ ՀՖՖ ղեկավարության հրաժարականի պահանջին միանալու մասին:

23 ֆուտբոլային ակումբ, այդ թվում՝ «Ալաշկերտը», «Գանձասարը», «Վեստ Արմենիան», հայտնել են ՀՖՖ ղեկավարությանն աջակցելու դիրքորոշման մասին:

«Ֆուտբոլային հասարակության հարգելի անդամներ,

Մենք՝ ՀՖՖ անդամներս, ցանկանում ենք անդրադառնալ այն իրադարձություններին, որոնք ներկայումս կատարվում են հայկական ֆուտբոլում:

ՀՖՖ նախագահի՝ 2023 թ. դեկտեմբերին կայացած ընտրություններում մենք բոլորս սատարել ենք ՀՖՖ գործող նախագահ Արմեն Մելիքբեկյանին և քվեարկել նրա օգտին: 

Մեր խորին համոզմամբ, հայկական ֆուտբոլը միայն Պրեմիեր Լիգայի 2-3 ակումբները չեն, որոնք չեն ընտրել Արմեն Մելիքբեկյանին և որոնք ցանկացած առիթ օգտագործում են՝ պարզապես հիշեցնելու իրենց գոյության մասին: Հայկական ֆուտբոլը միայն ազգային հավաքականը չէ, այլ նաև մանկապատանեկան ֆուտբոլն է, կանանց ֆուտբոլը, ֆուտզալը, մասսայական ֆուտբոլը և նշված բնագավառների հետ կապ ունեցող բոլոր անդամները, որոնք ընտրել են Արմեն Մելիքբեկյանին և կազմում են հայկական ֆուտբոլային ընտանիքի անբաժան մասը:

Բնականաբար, մենք ևս, որպես հայկական ֆուտբոլի համար շահագրգիռ կողմ, բավարարված չենք ինչպես ազգային, այնպես էլ տարբեր տարիքային հավաքականների գրանցած արդյունքներից, սակայն գտնում ենք, որ դրանց համար պատասխանատու է ոչ միայն և ոչ այնքան ֆեդերացիան, այլ նաև հենց նույն ակումբները, որոնք հավաքականներին պատշաճ քանակի և որակի ֆուտբոլիստներ մատակարարելու փոխարեն անդադար զբաղված են ֆեդերացիայի ղեկավարությանը և նրանց գործունեությանը որակումներ տալով:

Այսպիսով, մենք հաստատում ենք մեր լիակատար աջակցությունը ՀՖՖ գործող ղեկավարությանը»,- ասվում է հայտարարությունում:

1. «Անդրանիկ ֆուտբոլային ակումբ» ՀԿ

2. «Ալաշկերտ ֆուտբոլային ակումբ» ՀԿ

3. «Ախթամար աղջիկների ֆուտբոլի ակադեմիա» ՍՊԸ

4. «Աղբյուրակ» մարզամշակութային ՀԿ

5. «Այգ ՖԱ» ՀԿ

6. «Աբովյան Ակադեմիա»

7. «Ֆուտբոլային ակումբ Անի» ՀԿ

8. «Աչաջուր ֆուտբոլային ակումբ» ՀԿ

9. «Ֆուտբոլային ակումբ Արարատ» Հ/ Ձ ՓԲԸ

10. «Բենտոնիտ ՖԱ» ՀԿ

11. «Գանձասար ֆուտբոլային ակումբ» ՀԿ

12. «Երևան ֆուտզալային ակումբ» ՀԿ

13. «Լեռնային Արցախ ֆուտբոլային ակումբ» ՍՊԸ

14. «Լոռի-Վանաձոր ՖԱ» ՀԿ

15. «Կումայրի ֆուտբոլային ակումբ» ՀԿ

16. «Հայ աղջիկների առաջնորդությունը ֆուտբոլում» կրթական ՀՄԴ

17. «Հայասա ֆուտբոլային ակումբ» Մարզական ՀԿ

18. «Միկա սպորտային ակումբ» ՀԿ

19. «Նիկարմ ֆուտբոլային ակումբ» ՍՊԸ

20. «Սարդարապատ ֆուտբոլային ակումբ» ՀԿ

21. «Սյունիք ֆուտբոլային ակումբ» ՍՊԸ

22. «Ֆուտբոլային ակումբ Վեստ Արմենիա» ՀԿ

23. «Օլիմպիա ՖԱ» ՀԿ