Վիճաբանություն՝ Մեղրաշենում. 28-ամյա երիտասարդը մահացել է

Նոյեմբերի 2-ի ժամը 19.20-ին ՆԳՆ ոստիկանության Շիրակի մարզի օպերատիվ կառավարման կենտրոն «Արթիկ» բժշկական կենտրոնից հաղորդում է ստացվել, որ Մեղրաշեն գյուղից հիվանդանոց է տեղափոխվել նույն գյուղի բնակիչ 28-ամյա Գևորգ Գ.-ն: Հիվանդանոցում նրա մոտ արձանագրվել է «կրծքավանդակի ձախ կեսի կտրած-ծակած վերք, կենսաբանական մահ:

Ոստիկանությունից հայտնում են, որ ոստիկանության Արթիկի բաժնի ծառայողների ձեռնարկած օպերատիվ-հետախուզական միջոցառումների արդյունքում պարզվել է, որ ժամը 19-ի սահմաններում Մեղրաշեն գյուղի 1-ին փողոցի զրուցարանում տեղի ունեցած վիճաբանության ժամանակ Գևորգ Գ.-ին կտրող-ծակող առարկայով հարվածել է 29-ամյա համագյուղացին: Նա ձերբակալվել և ներկայացվել է Արթիկի և Անիի քննչական բաժին: Անձնական խուզարկությամբ նրա մոտ հայտնաբերվել է ծալովի դանակ:

Կազմված փաստաթղթերն ուղարկվել են Արթիկի և Անիի քննչական բաժին»,- ասված է հաղորդագրության մեջ:

Ավելի վաղ տեղեկացրել էինք, որ սպանություն է տեղի ունեցել Շիրակի մարզի Արթիկ համայնքի Մեղրաշեն գյուղում։

Euromedia24.com-ի տեղեկություններով այսօր՝ նոյեմբերի 2-ին Ժ.19.21-ին ՀՀ ՆԳՆ ոստիկանության Շիրակի մարզի օպերատիվ կառավարման կենտրոնից հաղորդում է ստացվել, որ Գուրգեն Հարությունի Քերոբյանը 1996թ.ծնված, իր «Օպել» մեքենայով Մեղրաշեն գյուղից «Արթիկ Բ/Կ» բուժօգնության է տեղափոխել 1994 թվականին ծնված, Մեղրաշեն գյուղի բնակիչ Գևորգ Արտավազդի Գևորգյանին որտեղ վերջինիս մոտ ախտորոշվել է «կրծքավանդակի ձախ կեսի կտրած-ծակած վերք, կենսաբանական մահ»։